Кавказ Ищхъэрэм и шынагъуэншагъэрУФ-м ШынагъуэншагъэмкIэ и Советым и Секретарь Патрушев Николай мэлыжьыхьым и 13-м Налшык щригъэкIуэкIащ зи пашэ IэнатIэм и зэIущIэ. Ар теухуауэ щытащ Кавказ Ищхъэрэ федеральнэ щIыналъэм (КИФЩI) шынагъуэншагъэр къыщызэгъэпэщынымкIэ Iуэхугъуэ щхьэхуэхэр егъэкIуэкIын зэрыхуейм. Лэжьыгъэм хэтащ УФ-м и Президентым и полномочнэ лIыкIуэу КИФЩI-м щыIэ Чайкэ Юрий, Кавказ Ищхъэрэм хиубыдэ щIыналъэхэм я Iэтащхьэхэр, федеральнэ министерствэхэмрэ ведомствэхэмрэ я лIыкIуэхэр. Зэкъуэтыныгъэр къару лъэщщ Патрушев Николай и къэпсэлъэныгъэм къыхигъэщащ: «Лъэпкъыбэу зэдэпсэу къэралым и зэкъуэтыныгъэр къагъэтIэсхъэн папщIэ къагъэсэбэп Iэмалхэм ящыщщ цIыхум и гупсысэр зэтезыгъэкI хъыбар нэпцIхэр жылагъуэм щыгъэIуныр, Iуэхугъуэ мыхъумыщIэхэр лэжьыным хузэщIэгъэстыныр, тхыдэр зэблэшыныр. Урысейм и текIуэныгъэращ ди къэралым шынагъуэншагъэ къыщызэзыгъэпэщыфынур, Европэр зэпIэзэрыт щытыкIэм хуэзышэжыфынур, Iуэху еплъыкIэ зэмылIэужьыгъуэхэр къыщалъытэ дуней зэтезыгъэувэфынур». Къэрал къулыкъущIэхэр зочэнджэщ Ди республикэм лэжьыгъэ IуэхукIэ къэкIуа Патрушев Николай щхьэхуэу яхуэзащ Чайкэ Юрийрэ КIуэкIуэ Казбекрэ. Фэеплъхэм пщIэ хуащI Къэбэрдей-Балъкъэрым зэрыщыIэ зэманым къриубыдэу, УФ-м ШынагъуэншагъэмкIэ и Советым и Секретарь Патрушев Николай кIуащ Урысей гвардием и щIыналъэ IэнатIэмрэ МВД-м Къэбэрдей-Балъкъэрым щиIэ къудамэм Экстремизмэм пэщIэтынымкIэ и центрымрэ. Абы и гъусэу а IуэхущIапIэхэм щыIащ УФ-м и Президентым и полномочнэ лIыкIуэу КИФЩI-м щыIэ Чайкэ Юрийрэ КъБР-м и Iэтащхьэ КIуэкIуэ Казбекрэ. ЩIыналъэм и щытыкIэм зыщегъэгъуазэ Чайкэ Юрийрэ КIуэкIуэ Казбекрэ лэжьыгъэ IуэхукIэ иужькIэ Налшык щызэIущIащ. УФ-м и Президентым и полномочнэ лIыкIуэу КИФЩI-м щыIэр ди республикэм къэкIуат, УФ-м ШынагъуэншагъэмкIэ и Советым и Секретарь Патрушев Николай Кавказ Ищхъэрэ федеральнэ щIыналъэм и шынагъуэншагъэм теухуауэ ди къалащхьэм щригъэкIуэкIа зэхуэсым хэтыну.
Поделиться:
Читать также:
04.05.2024 - 09:00 →
Егъэджэныгъэм и мардэщIэхэм хуокIуэ
30.04.2024 - 11:00 →
Унагъуэр - жылагъуэр зэтезыIыгъэщ
13.04.2024 - 15:23 →
Махуэшхуэм зыхуагъэхьэзыр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
|