Къэбэрдей-Балъкъэр Республикэм и Правительствэм и Унафэ

           Къэбэрдей-Балъкъэр Республикэм и цIыхухэм хъыбар зэрырагъащIэ щIыкIэм, абы зауэ зэпэщIэувэныгъэхэм къыхэкIыу  е а зэпэщIэувэныгъэхэм я Iэужьу  шынагъуэхэр къызэрыкъуэкIамкIэ, апхуэдэу щIыуэпс е техноген   лIэужьыгъуэм щыщ къызэрымыкIуэ  зэрызэфIэувамкIэ цIыхухэм пIащIэгъуэкIэ хъыбар зэрырагъащIэри хэту, теухуа Положенэр къэщтэным и IуэхукIэ

2023 гъэм накъыгъэм и 29-м         Налшык къалэ   №96-ПП

 «ЦIыхухэмрэ щIыналъэхэмрэ щIэупс е техноген лIэужьыгъуэм щыщ къызэрымыкIуэ щытыкIэхэм щыхъумэным и IуэхукIэ» Федеральнэ закон №68-ФЗ-уэ 1994 гъэм дыгъэгъазэм и 21-м къыдэкIам и 6-нэ статьямрэ «Граждан зыхъумэжыныгъэм и IуэхукIэ»  Федеральнэ закон №28-ФЗ-уэ I998 гъэм мазаем и 12-м къыдэкIам и 8-нэ статьям и 1-нэ пунктым и ебгъуанэ абзацымрэ япкъ иткIэ  Къэбэрдей-Балъкъэр Республикэм и Правительствэм унафэ ещI:

1.Къэбэрдей-Балъкъэр Республикэм и цIыхухэм хъыбар зэрырагъащIэ щIыкIэм, абы зауэ зэпэщIэувэныгъэхэм къыхэкIыу е а зэпэщIэувэныгъэхэм я Iэужьу шынагъуэхэр къызэрыкъуэкIымкIэ, абы къыдэкIуэу щIыуэпс е техноген лIэужьыгъуэм щыщ къызэрымыкIуэ щытыкIэ зэрызэфIэувам къишэ  шынагъуэхэмкIэ цIыхухэм пIащIэгъуэкIэ хъыбар зэрырагъащIэри хэту, теухуа Положенэр къэщтэн.

2. Муниципальнэ районхэмрэ къалэ округхэмрэ щIыпIэ самоуправленэмкIэ я органхэм яхуэгъэлъэгъуэн:

 Урысей Федерацэм Граждан зыхъумэжыныгъэм и IуэхухэмкIэ, къызэрымыкIуэ щытыкIэхэмкIэ, щIэуэпс къулейсызыгъэхэм я Iэужьхэр гъэкIуэдыжынымкIэ зи министерствэмрэ Урысей Федерацэм Бжыгъэ зыужьыныгъэмкIэ, связымкIэ,  цIыхубэ коммуникацэхэмкIэ и министерствэмрэ 2020 гъэм бадзэуэгъуэм и 31-м  «ЦIыхухэм хъыбар зэрырагъащIэ Iэмэпсымэхэм ятеухуа Положенэр къэщтэным и IуэхукIэ» зэгъусэу къыдагъэкIа  унафэ №575/355-м  цIыхухэм хъыбар зэрырагъащIэ муниципальнэ   Iэмэпсымэхэм теухуа Положенэр  ирагъэзэгъыну;

цIыхухэм   хъыбар зэрырагъащIэ муниципальнэ Iэмэпсымэхэр  къагъэсэбэпыным зэпымыууэ хуэхьэзырын хуэдэу ящIыну, ирагъэфIэкIуэну  икIи апхуэдэу щагъэтыныр къызэрагъэпэщыну.

3. Къэбэрдей-Балъкъэр Республикэм и Правительствэм 2006 гъэм мэлыжьыхьым  6-м «ЩIыуэпс, техноген лIэужьыгъуэхэм щыщ къызэрымыкIуэ щытыкIэхэр къыкъуэкIынымкIэ шынагъуэ зэрыщыIэм е къызэрыкъуэкIам теухуауэ КъБР-м и цIыхухэм хъыбар зэрырагъащIэ Iэмэпсымэхэм я IуэхукIэ" къыдигъэкIа унафэ №90-ПП-м («Кабардино-Балкарская правда», 2006, №87-88» къару имыIэжу къэлъытэн .

Къэбэрдей-Балъкъэр Республикэм и Правительствэм и УнафэщI Мусуков Алий.