Къэбэрдей-Балъкъэр Республикэм и Iэтащхьэм и Унафэ

            Къэбэрдей-Балъкъэр Республикэм инвестицэ хабзэхэр зэзыгъэуIу  щытыкIэм щыхуэкIуэнымкIэ лэжьыпхъэхэм я IуэхукIэ

Инвестицэ проектхэр щыпхагъэкIкIэ инвесторхэр Къэбэрдей-Балъкъэр Республикэм и къэрал властым и гъэзэщIакIуэ органхэм, къэпщытакIуэ (кIэлъыплъакIуэ) органхэм, зыхуеинухэмкIэ къызэзыгъэпэщ IуэхущIапIэхэм  зэрадэлажьэр нахуэу икIи тыншу зэрыщытым хэгъэхъуэн мурадкIэ:

1. Къэбэрдей-Балъкъэр Республикэм и къэрал властым и гъэзэщIакIуэ органхэу инвесторым илэжьынухэр зэрызэкIэлъыгъэкIуэнум и унэтIыныгъэхэмкIэ жэуап зыхьынухэу (жэуап зыхь органхэу) къыхахахэр къэщтэн, ахэр лэжьыгъэм нэхъ мыхьэнэшхуэ зиIэу егъэщIылIа Iуэхухэм ялъэIэсын икIи иужькIэ Къэбэрдей-Балъкъэр Республикэм  ахэр абы къыщагъэсэбэпын папщIэ.

2. Жэуап зыхь органхэм зы мазэ пIалъэм къитIасэу зэхалъхьэн икIи къащтэн хуейщ:

 ялэжьынухэм я алгоритмхэр;

 ялэжьынухэм я алгоритмхэм   Къэбэрдей-Балъкъэр Республикэм щыхэплъэным икIи абыхэм хуэкIуэным теухуауэ 2023 гъэм тещIыхьа план-графикхэмрэ икIи нэхъ ину (мазищ къэс) къызэщIиубыдэу  Къэбэрдей-Балъкъэр Республикэм ялэжьынухэм я алгоритмхэр щыхэплъэнымкIэ икIи абыхэм щыхуэкIуэнымкIэ нэхъ ину къызэщIиубыдэу (мазищ къэс) 2024 гъэм тещIыхьа план-графикхэмрэ;

 2023 гъэмрэ 2024 гъэмрэ ялэжьынухэм я алгоритмхэр планкIэ зэпаудын хуейщ, абыхэм илъэс къэс яIэ мыхьэнэм зэрыхэхъуэр къалъытэу.

3. "Къэбэрдей-Балъкъэр Республикэм  зегъэужьынымкIэ корпорацэ» акционер обществэр  Къэбэрдей-Балъкъэр Республикэм инвестицэ хабзэхэр щызэзыгъэуIу щытыкIэр пхыгъэкIыным егъэщIылIа IуэхухэмкIэ жэуаптакIуэу гъэувын Къэбэрдей-Балъкъэр Республикэм Iуэхухэр щезыгъэкIуэкI инвесторхэм ядэлэжьэн и лъэныкъуэкIэ.

4. Мы  унафэр зэрагъэзащIэм кIэлъыплъыну пщэрылъ щыщIын Къэбэрдей-Балъкъэр Республикэм и Правительствэм и УнафэщIым и япэ къуэдзэ Къуныжь М.А.

5. Мы унафэм къару егъуэт Iэ щыщIэздза махуэм щегъэжьауэ.

Къэбэрдей-Балъкъэр Республикэм и Iэтащхьэ КIуэкIуэ Казбек

 Налшык къалэ

2023 гъэм  накъыгъэм и 15-м

№182-РГ.