Псыхуабэ и паркым зыщрагъэплъыхьащ

Налшык къалэм дэт, Совет Союзым и ЛIыхъужь Калюжный Николай и цIэр зезыхьэ СОШ №7-м полицэм щиIэ кадет класситIым щIэсхэр щыIащ Псыхуабэ и тхыдэ паркым. 

НыбжьыщIэхэм ягъусащ КъБР-м щыIэ МВД-м и Щэнхабзэ центрым и унафэщI Жабеловэ Гюльнарэ, класс унафэщIхэр. 
Кадетхэм зыщаплъыхьащ «Урысейр си тхыдэщ» паркым - мультимедийнэ комплекс телъыджэм, иджырей технологиехэр къагъэсэбэпу Хэкум и тхыдэм щытепсэлъыхьым. 
ШколакIуэхэм еплъыну къыхахат «Рюриковичи» экспозицэр икIи Iэмал ягъуэтащ интерактив викторинэхэм хэтыну, тхылъ напэкIуэцIхэр зэрагъэдзэкIащ, мультимедийнэ псым зыщаплъыхьащ.
Экспозицэ пэшхэр къыщызэхакIухьым, ныбжьыщIэхэм яхутепсэлъыхьащ Урысейм и тхыдэм, абы и япэ унафэщIу щытахэм. 
Кадетхэм удэзыхьэх Iуэху гъэщIэгъуэныр къахузэзыгъэпэщахэм фIыщIэ хуащIащ.