Къэрал мыхьэнэ ирату

1 февраля, 2024 - 11:26

2024 гъэм накъыгъэм и 28 – 30-хэм Минводы къалэм щекIуэкIынущ Кавказым и инвестицэ зэхуэс (КИФ-2024).
КъБР-м Экономикэ зыужьыныгъэмкIэ и министерствэм и телеграмм-каналым къралъхьа хъыбарегъащIэм къызэрыхэщымкIэ, зэхуэсым и къалэн нэхъыщхьэу щытынур Кавказ Ищхъэрэм и щIыналъэхэм я инвестицэ зэфIэкIым зегъэубгъунырщ, абы и фIыгъэкIи, социально-экономикэ унэтIыныгъэхэм нэхъри зеужьынырщ. Кавказым и инвестицэ зэхуэсыр къыхэзылъхьар «Росконгресс» Фондырщ, УФ-м Экономикэ зыужьыныгъэмкIэ и министерствэм и дэIэпыкъуныгъэ хэлъу.
«Зэхуэсым зы утыкум щызэхуишэсынущ Кавказ Ищхъэрэм и щIыналъэхэм я лIыкIуэхэр икIи абы кърихьэлIэнухэм ирагъэлъагъунущ КИФЩI-м и зэфIэкIымрэ абы адэкIэ зиужьын папщIэ щыIэ Iэмалхэмрэ», - жиIащ УФ-м и Президентым и чэнджэщэгъу, КИФ-2024-м и къызэгъэпэщакIуэ комитетым жэуап зыхь и секретарь Кобяков Антон, Кавказ Ищхъэрэм и щIыналъэхэм я махуэу щIышылэм и пэщIэдзэм «Урысей» лъэпкъыбэ-гъэлъэгъуэныгъэм щекIуэкIам щыIэу.
УФ-м и Президент Путин Владимир 2023 гъэм и фокIадэм унафэ къыдигъэкIауэ щытащ Кавказым и инвестицэ гъэлъэгъуэныгъэ зи гугъу тщIым къэрал зэхуэсышхуэ мыхьэнэ иратыну икIи 2024 гъэм къыщыщIэдзауэ илъэс къэс ар ирагъэкIуэкIыну.
 

 

ХЬЭЩЫКЪУЕЙ Олег.
  • 58 просмотров
Поделиться:

Читать также:

15.12.2025 - 11:30 → Хэкур зыхъумэхэм Iэрагъэхьэнущ
11.12.2025 - 16:00 → Псалъэхэм къарыкIыр
11.12.2025 - 15:00 → Лэжьыгъэм и ветеранхэр
09.12.2025 - 15:25 → Iуащхьэмахуэ и хъыбархэр
03.12.2025 - 14:29 → Ныпыр напэщ