Къэбэрдей-Балъкъэр Республикэм и Iэтащхьэм и Унафэ

5 февраля, 2024 - 09:00

2024 гъэм Къэбэрдей-Балъкъэр Республикэм Унагъуэм и илъэсым зыщыхуэгъэхьэзырынымкIэ икIи ар щегъэкIуэкIынымкIэ къызэгъэпэщакIуэ комитет зэтеухуэным и IуэхукIэ
«Урысей Федерацэм и Президентым «Унагъуэм и илъэс Урысей Федерацэм щегъэкIуэкIыным и IуэхукIэ» 2023 гъэм щэкIуэгъуэм и 22-м къыдигъэкIа Указ №805-р гъэзэщIэным ехьэлIа лэжьыгъэхэр къызэгъэпэщын мурадкIэ:
1. 2024 гъэм Унагъуэм и илъэсым Къэбэрдей-Балъкъэр Республикэм зыщыхуэгъэхьэзырынымкIэ икIи ар щегъэкIуэкIынымкIэ къызэгъэпэщакIуэ комитет зэтеухуэн.
2. 2024 гъэм Унагъуэм и илъэсым Къэбэрдей-Балъкъэр Республикэм зыщыхуэгъэхьэзырынымкIэ икIи ар щегъэкIуэкIынымкIэ къызэгъэпэщакIуэ комитетым хэтхэр къэщтэн.
3. Мы унафэм и 1-нэ пунктым къыщыгъэлъэгъуа къызэгъэпэщакIуэ комитетым: 2024 гъэм Къэбэрдей-Балъкъэр Республикэм Унагъуэм и илъэсыр щегъэкIуэкIыным хуэунэтIауэ нэхъыщхьэу зэфIагъэкIынухэм я планыр зэхилъхьэн икIи къищтэн хуейщ;
Къэбэрдей-Балъкъэр Республикэм и къэрал властым и органхэмрэ щIыпIэ самоуправленэм и органхэмрэ я гъусэу мы планым къыщыгъэлъэгъуа Iуэхухэр ягъэхьэзырыныр икIи егъэкIуэкIыныр къызирагъэпэщын хуейщ.
4. Къэбэрдей-Балъкъэр Республикэм ЩэнхабзэмкIэ и министерствэм мы унафэм и 3-нэ пунктым щыгъэува Iуэхухэр цIыхухэм хъыбар зэрырагъащIэ IэнатIэхэм къыщагъэлъэгъуэныр къызэригъэпэщын хуейщ.
Къэбэрдей-Балъкъэр Республикэм и Iэтащхьэ КIуэкIуэ Казбек.
Налшык къалэ
2024 гъэм щIышылэм и 3I-м
№12-РЗ

 

  • 40 просмотров
Поделиться: