Щэнейрэ къэралым и чемпион Мудрэн Хьэзрэт

26 января, 2022 - 10:25

Владимир къалэм щекIуэкIащ тэмэму зэхэзымыххэм алыдж-урым бэнэкIэмкIэ я урысейпсо чемпионат. Абы хэтащ къэралым и щIыналъэ зэмылIэужьыгъуэхэм къикIа спортсмен 69-рэ.
Къэбэрдей-Балъкъэрым щыщ Мудрэн Хьэзрэт щыбэна гупым къыщыпэлъэщын къыхэкIакъым икIи Урысей Федерацэм и чемпион хъуащ. Килограмм 72-м нэблагъэ зи хьэлъагъ ди лъэпкъэгъум иджырейм ипэкIэ щэнейрэ къэралым щынэхъыфI хъуащ.
Фигу къэдгъэкIыжынщи, Мудрэн Хьэзрэт япэ увыпIэр щиубыдащ щIалэгъуалэм я дунейпсо зэхьэзэхуэм. Илъэс ипэкIэ, зи ныбжьыр илъэс 24-рэ иримыкъуа щалIэщIэхэм яхэту, ар щытекIуащ Урысей Федерацэм и зэхьэзэхуэм.
Спортсменыр ягъасэ Елчэпар Муратрэ Горинов Владимиррэ.

Къэхъун Бэч.
  • 9 просмотров
Поделиться: