Спорт хъыбархэр

ЛIыхъужьым и щIыхькIэ

Дагъыстэным щекIуэкIащ бэнэкIэ хуитымкIэ урысейпсо зэхьэзэхуэ. Ар фэеплъ хуащIат Совет Союзым и ЛIыхъужь Абикаров Къадий. 
Къэбэрдей-Балъкъэрым и банакIуэхэм зэхьэзэхуэм медалитI къыщахьащ. Апхуэдэу килограмм 57-м нэс зи хьэлъагъхэм я зэпеуэм ещанэ увыпIэр щиубыдащ Жыласэ Рустам. Килограмм 74-м нэс зи хьэлъагъхэм я зэпэщIэтыныгъэм Маргъущ Джэмал домбеякъ медалыр щызыIэригъэхьащ. 
Хьэтау Ислъам.

Прохладнэдэсхэм я ехъулIэныгъэ

Еринэ къалэм щызэхэтащ атлетикэ псынщIэмкIэ «Мэзкуу областым и Гран-при» зэпеуэ.
Лъагэу дэлъеинымкIэ зэхьэзэхуэм щытекIуащ ди лъахэгъу цIэрыIуэ дуней псоми Олимп джэгухэми я чемпионкэ Ласицкене Марие. Габрилян Геннадий и гъэсэныр щхьэпрылъыфащ метр I,95-м. КъыкIэлъыкIуэхэм къахуэщтар метр I,88-ращ. ТекIуэныгъэр къызэрихьам хуэдэу, иужькIэ Марие зрипщытат метритI лъагагъми. АрщхьэкIэ мы зэм ар къызэринэкIыфакъым.
Къэбэрдей-Балъкъэрым икIахэм иджыри медалитI къыщахьащ «Мэзкуу областым и Гран-при» зэпеуэм. Дискыр метр 59-рэ сантиметр 92-кIэ идзри дыжьын медалыр зыIэригъэхьащ прохладнэдэс Добренький Александр. Абы къефIэкIа Сидорченкэ Глеб метр 60-рэ сантиметр 65-рэ къехъулIащ.
Бжыр дзынымкIэ зэпеуэм етIуанэ щыхъуащ ди лъахэгъу Орлов Николай. Ар и хьэрхуэрэгъум къызэрыпикIуэтар метритI ирмыкъущ. 
Зи ныбжьыр илъэс пщыкIух иримыкъуахэм я зэхьэзэхуэхэм дыщэ медалу тIу къыщихьащ прохладнэдэс щIалэщIэ Хирьянов Даниил. Метри II0-кIэ къыщызэдэжэми метр 300-р лъэпощхьэпо иIэу къыщызэранэкIми абы къыпэхъун къыхэкIакъым. Ар егъасэ Хирьянов Вячеслав. 

Къаудыгъу Заур.