Спорт ут цIыкIухэмкIэ къызэрагъэпэщ

26 сентября, 2022 - 12:29

«Спортыр – гъащIэм и мардэщ» къэрал проектым ипкъ итIэ 2019 гъэм къыщыщIэдзауэ ГТО-м и мардэхэр щатын спорт утыку цIыкIухэр Къэбэрдей-Балъкъэрым щаухуэ.
Апхуэдэу илъэс блэкIахэм Налшык, Нарткъалэ, Тэрч къалэхэмрэ Янтарное, Къулъкъужын Ипщэ, Жэмтхьэлэ, Каменномост къуажэхэмрэ зыхуэныкъуэхэм къыщызэрагъэпэщащ спорт утыкухэр. Дэтхэнэ зыми къызэщIеубыдэ метр зэбгъузэнатIэ 300-м нэблагъэ, ГТО-м и мардэхэм зэрызыхуагъэхьэзырын икIи къызэрапщытэн зыхуэныкъуэ тренажерхэмкIэ къызэгъэпэщащ, иджырей мардэхэм тет шынагъуэншэ резинэкIэ я лъэгур къищIыкIащ.
Спорт ут цIыкIухэр куэду цIыхухэм къагъэсэбэп. ГТО-м и мардэхэр къыщапщытэну спорт ут цIыкIу къыщызэIуахащ Лэсчэн муниципальнэ районым хыхьэ Аргудан къуажэм. Мы махуэхэм «Бедик» стадионым ут цIыкIу щагъэуващ.
Спорт ут цIыкIухэр ухуэным ехьэлIа лэжьыгъэхэм адэкIи пащэнущ икIи мы гъэм къриубыдэу ГТО-м и мардэхэр къыщапщытэну спорт ут цIыкIуищым папщIэ тренажерхэр къащэхуну я мурадщ. Муниципальнэ районхэм я администрацэхэм я лъэIукIэ ахэр траугуэшэнущ. Япэ ирагъэщынущ нэхъапэм апхуэдэ ут цIыкIухэр зэрымыта щIыпIэхэр икIи ут цIыкIум и лъабжьэр гъэхьэзырыным ехьэлIа мылъку хухэзыхыфынухэр.

Къэхъун Бэч.
  • 22 просмотра
Поделиться:

Читать также:

25.04.2024 - 17:30 → Олимп чемпионыр ящыгъупщэркъым
25.04.2024 - 17:00 → Кубокыр къыздашэ
23.04.2024 - 20:03 → Уанэш зэхьэзэхуэшхуэ
23.04.2024 - 17:06 → Гуп зэпеуэм япэ щыхъуащ
23.04.2024 - 15:26 → Урысейм щынэхъ лъэщхэр