ЩIэныгъэлI ныбжьыщIэхэм яхуэгъэзауэ

Агропромышленнэ комплексым и щIэгъэкъуэну щыт «Урысейм и Мэкъумэш банкыр» фермерхэм я закъуэкъым зыдэлажьэр, атIэ студентхэми а лъэныкъуэм хуэунэтIа урысей еджапIэ нэхъыщхьэхэми лэжьыгъэхэр драгъэкIуэкI. КъищынэмыщIауэ, къэщIэзыгъэкIхэмрэ АПК-м и бжыгъэр зи лъабжьэ хэкIыпIэхэр къэзылъыхъуэхэмрэ я зэпыщIэныгъэр утыку яхуохъу. А Iэзагъым и фIыгъэкIэ унэтIыныгъэм зыужьыныгъэшхуэ егъуэт. Абы теухуауэ «Бжьыхьэ дыщафэ» агропромышленнэ гъэлъэгъуэныгъэм къыщыпсэлъащ «Урысейм и Мэкъумэш банкым» и Финанс технологиехэм зегъэужьынымкIэ центрым и директор Батуровэ Еленэ. 

«Жылэ лIэужьыгъуэщIэхэр, къэкIыгъэхэр зэрахъумэн хущхъуэхэр, щIыгъэпшэрхэр щащIкIэ АПК-м нобэ къыщагъэсэбэп Iэмалхэмрэ Iэмэпсымэхэрэ илъэситI-щы ипэкIэ зыри щыгъуазэтэкъым икIи абы ипэкIэ мэкъумэш хозяйствэм къыщагъэсэбэпакъым. Аграрнэ щIэныгъэр илъэс къэс йофIакIуэ, нэгъуэщI унэтIыныгъэхэм я щIэныгъэмрэ технологиемрэ къыщагъэсэбэп. «Мэкъумэш банкым» жыджэру деIыгъ щIэныгъэщIэр: стипендие программэр догъэзащIэ, еджапIэ нэхъыщхьэхэм дадоIэпыкъу, студент гупхэм егъэджэныгъэхэр дадогъэкIуэкI. АрщхьэкIэ, мыхьэнэшхуэ зиIэр а щIэныгъэхэр гъащIэм къыщыгъэсэбэпынырщ. Бизнесым пыщIэныгъэ хуиIэн хуейщ Iэмал имыIэу, щIэныгъэлI щIалэщIэхэм адэлэжьэну хьэрычэтыщIэ инхэр къегъэблэгъэн хуейщ, армыхъумэ щIэныгъэхэр къэгъэсэбэпа хъунукъым. Урысейм лэжьыгъэшхуэ щагъэзащIэ я зэпыщIэныгъэр зэтраублэн папщIэ. ЕджапIэ нэхъыщхьэхэм я щIэныгъэлIхэмрэ предриятэхэмрэ зэрызэпащIэн Iэмалхэр ирагъэфIакIуэ, проектхэм я зыужьыныгъэм мылъку хухах, абы къыхэкIыуи щIэныгъэлIхэр бизнесышхуэм хэмыхьэу еджапIэ нэхъыщхьэм къыщонэ, ар гулъытэ хэха зыхуэщIыпхъэхэм ящыщщ. Дыхуейщ, компаниехэр щIэныгъэлI ныбжьыщIэхэм щхьэкIэ зэхьэзэхуэну, я щIэныгъэ проектхэр даIыгъыну. Дэ – дытехнологическэ къэралышхуэщ икIи ди къарухэр зэхэтлъхьэмэ, ехъулIэныгъэ диIэнущ», - къыхигъэщащ Батуровэ Еленэ. 
 Абы и псалъэхэм къызэрыхэщамкIэ, «Урысейм и Мэкъумэш банкым» егъэзащIэ щIэныгъэм зиужьыным ехьэлIа жэрдэм 20. А Iуэхум къызэщIеубыдэ щIэныгъэхэм я марафон, щIэныгъэ конференцэхэр, олимпиадэхэр, дунейпсо зэхьэзэхуэм хэтынхэр, нэгъуэщIхэри. Апхуэдэу «Урысейм и Мэкъумэш банкым», МФТИ-мрэ РГАУ-МСХА-мрэ я гуп зэхэтым етIуанэ увыпIэ щиубыдащ Нидерландхэм я Университетым къызэригъэпэща Autonomous Greenhouse Challenge дунейпсо мэкъумэш хозяйствэмкIэ зэпеуэм. Ди къэралым и командэр ефIэкIащ Китайм, Корее Ипщэм, Европэм и къэралхэм. 
КъищынэмыщIауэ, банкым къэралым и мэкъумэш еджапIэ нэхъыщхьэхэм къыщызэрегъэпэщ щхьэхуэу щыт студент къалэ цIыкIухэр, урысей студент зэчиифIэ куэдым стипендиекIэ защIегъакъуэ. 
2020 гъэм къыщыщIэдзауэ банкым игъэзащIэ Iуэхутхьэбзэхэм ящыщщ уасэ зыщIат Iэщагъэм щыхуагъасэ проектхэр. Абы хэтыну зезыгъэтххэм ящыщщ пэщIэдзэ курсхэм щеджэ студентхэри, IэщIагъэлI ныбжьыщIэхэри. 
2022 гъэм «Урысем и Мэкъумэш банкым» иригъэжьащ «Я в агро» интернет платформэр. Ар хуэунэтIащ аграрнэ щIэныгъэм хэгъэхъуэнымрэ агропромышленнэ комплексым лэжьапIэ къылъыхъуэнымрэ. Iэмэпсымпэр яхуэгъэзащ школакIуэхэмрэ абитуриентхэмрэ я деж къыщыщIэдзауэ опытышхуэ зыбгъэдэлъ профессионалхэм я деж щиухыжу. Платформэм щыгъуазэ зыщыпщIыфынущ АПК-м къыщагъэсэбэп технологиехэм, къэкIуэнум и IэщIагъэхэм, къыхэпха унэтIыныгъэм хуэгъэпса егъэджэныгъэхэм ухэтыфынущ икIи уи IэщIагъэм къулыкъу зэрыщыпщIэфыну лъагъуэр пхузэтеублэнущ. Студентхэмрэ еджапIэ нэхъыщхьэхэр къэзыухахэмрэ производственнэ практикэ щрагъэкIуэкIын е унэтIыныгъэм и IуэхущIапIэхэм пIалъэкIэ лэжьапIэ къыщагъуэтыфынущ. Платформэм и напэкIуэцIым къыщыхьащ къэрал псом щызэхуэхьэса IэнатIэ мин I3,5-м щIигъу. 
2020 гъэм жэпуэгъуэм и 22-м «Бжьыхьэ дыщафэ» гъэлъэгъуэныгъэм «Урысейм и Мэкъумэш банкым» утыку къыщрихьащ дуней псом щыяпэ АПК-м хуэунэтIа «Своё» бжыгъэ экосистемэ. НобэкIэ абы хохьэ къэралым щынэхъ ин дыдэ ерыскъы къыщIэзыгъэкIхэм я Iуэхутхьэбзэхэмрэ хьэпшыпхэмрэ я маркетплейсыр, фермер ерыскъыпхъэхэм я интернет-тыкуэн, лэжьакIуэхэр къыщыхах платформэр, нэгъуэщIхэри. Жыджэру интернет напэкIуэцIыр къэзыгъэсэбэпхэм я бжыгъэр цIыху мелуани 3-м щIигъуащ.
Урысей Федерацэм и мэкъумэш-промышленнэ IэнатIэм епха IуэхущIапIэхэм кредит-финанс Iуэхутхьэбзэ яхуэщIэнымкIэ лъабжьэ быдэщ «Урысейм и Мэкъумэшбанк» АО-р. Ар къызэрагъэпэщащ 2000 гъэм икIи нобэ къалъытэ АПК-м и кредитор нэхъыщхьэу. «Урысейм и Мэкъумэш банкыр» ди къэралым щылажьэхэм ящыщу нэхъ лъэщхэм, зи Iуэхухэр зэпIэзэрытхэм, мылъку хъарзыни зыбгъэдэлъ нэхъ банкышхуэхэм хабжэ.