Алыдж-урым бэнэкIэ
Налшык къалэ щекIуэкIащ Къэбэрдей-Балъкъэрым и щIыналъэхэм алыдж-урым бэнэкIэмкIэ я зэхьэзэхуэ. Абы хэтащ 2000 - 2005 гъэхэм къалъхуа спортсмен ныбжьыщIэ 60-м нэблагъэ.
Я хьэлъагъ елъытауэ а зэпеуэм щытекIуащ Блий Хъусин (кг 55-рэ), Къуныжь Амырхъан (кг 60), ПщыукI Мурат (кг 67-рэ), Панюшкин Беслъэн (кг 72-рэ), МахуэлI Инал (кг 77-рэ), Кодузов Резуан (кг 82-рэ), ХьэщIэлI Астемыр (кг 87-рэ), Умэ Къасболэт (кг 97-рэ), ПщыукI Джамболэт (кг 130-рэ) сымэ.
ТекIуахэмрэ къыхэжаныкIахэмрэ хэтынущ гъатхэпэ мазэм и кIэхэм Кавказ Ищхъэрэ щIыналъэм и зэхьэзэхуэу Каспийск къалэм щекIуэкIынум.
Каратэ
УвыпIэ нэхъыщхьэхэр яубыдащ
Одинцовэ къалэм щекIуэкIащ КаратэмкIэ федерацэм и кубокыр къэхьыным хуэгъэза урысейпсо зэхьэзэхуэ. Абы хэтащ щIыналъэ 37-м къикIа спортсмен 1200-м нэблагъэ.
А зэхьэзэхуэм я хьэлъагъ елъытауэ дыщэ медалхэр къыщахьащ ди республикэм щыщхэу Асановэ Беллэ, Федоренкэ Владислав, Къэрмокъуэ Руслан, Новиков Дмитрий, Бабыгуей Эльдар, Пересляковэ Валерие, Темукуев Ахъмэт, Байрамуков Рашид, Гулиев ДжэбрэIил сымэ.
Дыжьыныр зыIэрагъэхьащ Къэзан Алим, Гацалов Имран, Къуэдз Исмел сымэ. Бахъсэн Темырланрэ Лыкъуэжь Къурмэнрэ жэзыр къахьащ.
Спортсмен ныбжьыщIэхэр зэпеуэм хуагъэхьэзыращ тренерхэу Сэбаншы Мурат, Шахмурзаев Щыхьмырзэ, КIэш Даут, ДыщэкI Мухьэмэд, Мэкъуауэ Алан сымэ.
Iэпщэрыбанэ
Урысейпсо зэхьэзэхуэм хэтынущ
Налшык щекIуэкIащ ныбжьыщIэхэм IэпщэрыбанэмкIэ я республикэпсо зэхьэзэхуэ. Абы хэтащ илъэс 12 - 13, 14 - 15 зи ныбжь спортсмени 170-м нэблагъэ.
Илъэс 12 - 13 зи ныбжьхэм я деж щытекIуащ Хьэкъун Рамиль, ТIымыжь Астемыр, Вэрокъуэ Рэмэзан, Янченкэ Амир, Жыгун Темырхъан, Хьэжыкъарэ Умар, Мэлыхъуэ Алан, Лыджыдэ Залым, Халилов Альберт сымэ.
Илъэс 14 - 15 зи ныбжьхэм я деж увыпIэ нэхъыщхьэхэр щаубыдащ Швецов Солтан, Безыр Азэмэт, Къуэныкъуей Чэрим, Мэлыхъуэ Тамерлан, Щэрдан Къантемыр, Къамгъуэт Муртаз, Тхьэзэплъыж Темырлан, Безынэ Азиз сымэ. Зэпеуэм и кIэух Iыхьэм нэсахэм Iэмал ягъуэтащ гъатхэпэм и 24 – 26-хэм Краснознаменск щекIуэкIыну урысейпсо зэхьэзэхуэм хэтыну.
Самбэ
Домбеякъыр и Iэрылъхьэщ
Тэтэрстаным щекIуэкIащ ныбжьыщIэхэм самбомкIэ я урысейпсо зэхьэзэхуэ - илъэс 14 - 16 зи ныбжь щIалэхэмрэ хъыджэбзхэмрэ саугъэтхэм щIэбэнащ.
Я хьэлъагъ елъытауэ гуп 18-уэ гуэшауэ щыта зэпеуэм хэтащ ныбжьыщIэ 700-м нэблагъэ. ТекIуахэм Iэмал ягъуэтащ Европэм щекIуэкIыну зэхьэзэхуэм хэтыну.
Зэпеуэм домбеякъыр къыщихьащ килограмм 64-рэ зи хьэлъагъхэм я деж щыбэна КъуэщIысокъуэ Темырлан.
Ди щIалэр ягъэхьэзыращ тренерхэу Карамышев СулътIанрэ ПшынащIэ Муратрэ.
Кикбоксинг
Гуп хэха къызэрагъэпэщ
Къэбэрдей-Балъкъэрым кикбоксингымкIэ и чемпионат Прималкинскэ къуажэм щекIуэкIащ. Абы хэтащ илъэс 14-м итхэр. Республикэм и щIыналъэхэм къикIа спортсмени 184-р гуп 14-у гуэшауэ щытащ.
Зэхьэзэхуэр Хэкум и хъумакIуэм и махуэм ирихьэлIэу КъБР-м СпортымкIэ и министерствэм и дэIэпыкъуныгъэкIэ къызэрагъэпэщащ.
А зэIущIэм къыщыхахащ Кавказ Ищхъэрэ щIыналъэм и зэхьэзэхуэшхуэу гъатхэпэм и 15 - 19-хэм Избербаш щекIуэкIынум КъБР-м къыбгъэдэкIыу хэтыну командэ къыхэхам хагъэхьэнухэр.
Каратэ
Зэуэ медаль 21-рэ
Башкирием и къалащхьэ Уфа щекIуэкIащ «Олимп гугъапIэ» зыфIаща, Баталов Р. и фэеплъу къызэрагъэпэща урысейпсо зэхьэзэхуэр. КаратэмкIэ абы щызэпеуащ УФ-мрэ Белоруссиемрэ я щIыналъэ 26-м къикIа спортсмен 2000-м нэблагъэ. КъБР-м и спортсмен 34-рэ а зэхьэзэхуэм хэтащ икIи зыIэрагъэхьащ дыщэ медалу 10, дыжьыну 6, домбеякъыу 5.
Ди спортсменхэр зэхьэзэхуэм хуагъэхьэзыращ Гуэбэшы Аслъэн, КIэмпIарэ Рустам, Мэш Азэмэт, Щомахуэ Владимир, Губырэ Беслъэн сымэ.
Зэзауэ зэхэт
НыбжьыщIэхэм я зэхьэзэхуэ
ММА-м зэзауэ зэхэтхэмкIэ КИФЩI-м и ныбжьыщIэ командэхэм я зэхьэзэхуэ Налшык щрагъэкIуэкIащ. Абы хэтащ Шэшэным, Осетие Ищхъэрэ - Аланием, Дагъыстэным, Ингушым, Ставрополь крайм, Къэрэшей-Шэрджэсым, Къэбэрдей-Балъкъэрым щыщ, илъэс 12 - 13, 14 - 15 зи ныбжь спортсмен 200-м нэблагъэ.
А зэпеуэм КъБР-м и командэм ещанэ увыпIэр щиубыдащ. Япэ хъуахэщ Осетие Ищхъэрэ - Аланием къикIахэр. ЕтIуанэ увыпIэр зыIэрагъэхьащ Шэшэн республикэм щыщ ныбжьыщIэхэм.
Ди щIалэхэм ящыщу япэ увыпIэр иубыдащ Созаев Расул (кг 62-рэ). Дыжьыныр къихьащ Къэрмокъуэ Тамерлан (кг 36-рэ). Домбеякъыр къахьащ Шурдым Джэмал (кг 36-рэ), Гыллыев Азрэт (кг 44-рэ), Гочаев Тамерлан (кг 48-рэ), Шублакъ Амир (кг 48-рэ), Таучэ Эмир (кг 57-рэ), НафIэдз Сулеймэн (кг 62-рэ) сымэ. ТекIуахэм урысейпсо зэхьэзэхуэу мэлыжьыхьым и 26 – 29-хэм Сочи щекIуэкIынум хэтыну Iэмал ягъуэтащ.
Тхэквондо
Медаль 11 къахьащ
Къэрэшей-Шэрджэсым и къалащхьэм дэт «Юбилейный» спорт уардэунэм щекIуэкIащ тхэквондомкIэ урысейпсо зэхьэзэхуэ. Гъэ къэс ирагъэкIуэкI а зэхьэзэхуэм Урысейм ТхэквондомкIэ и зэгухьэныгъэм и президентым и Кубокыр къэхьыным щыщIэбэнащ къэралым и щIыналъэ 34-м къикIа ныбжьыщIэ 600-м щIигъу.
КъБР-м и командэ къыхэхам зэуэ медаль 11 зыIэригъэхьащ. ПщыхьэщIэ Эстеллэ (кг 37-рэ), Iусейн Къамбулэт сымэ (кг 41-рэ) текIуэныгъэ къахьащ.
Тхьэмокъуэ Элинэ (кг 33-рэ), Къумахуэ Рианнэ (кг 41-рэ), Малкандуев Дамир (кг 33-рэ), Гъубжокъуэ Астемыр (кг 63-рэ) сымэ дыжьын медалыр къахьащ.
Домбеякъыр я Iэрылъхьэщ Шалгынбаевэ Софье (кг 44-рэ), Пэфыф Эвелинэ (кг 55-рэ), Асановэ Даринэ (кг 68-рэ), Щоджэн Басир (кг 37-рэ), Къэзанш Къасболэт (кг 57-рэ) сымэ.
Командэхэм я зэпеуэм КъБР-м и спортсменхэм етIуанэ увыпIэр щаубыдащ.
НыбжьыщIэхэр зэхьэзэхуэм хуагъэхьэзыращ Ахъмэт Амир, Тикаев Индрис, Хъурей Беслъэн, Унэжокъуэхэ Абдельджабаррэ Станислав-Хъанрэ.
