♦Гъуэжь узым ебэныным и дунейпсо махуэщ
♦Урысейм и PR-IэщIагъэлIым и махуэщ
♦1586 гъэм Европэм япэ дыдэу кIэртIоф къашащ. Колумбием къришри, а къэкIыгъэр Инджылызым къишат Хэрриот Томас.
♦1697 гъэм Камчаткэ хытIыгуныкъуэр зэрыщыIэр къахутащ.
♦1713 гъэм Пётр Езанэм и унафэкIэ къызэрагъэпэщащ Рижскэ губерниер.
♦1858 гъэм криминалистикэм япэ дыдэу къыщагъэсэбэпащ IэпапIэхэр. Инджылызым щыщ, 1853 - 1878 гъэхэм Индием къулыкъу щызыщIа Гершель Уильямщ ар япэу къэзыгъэщхьэпар. ЯпэщIыкIэ ар а Iэмалым хуекIуащ щIыпIэм щыщхэм ахъшэ щраткIэ, хьилагъэм хуекIуэхэр зэрыщыIэм къыхэкIыу. Индусхэр псори зэщхьти, ахэр зэхицIыхукIыфыртэкъым Гершель икIи мыдрейхэми ар къагъэсэбэпурэ, ахъшэр зэ зратахэм, ар етIуанэуи, ещанэуи къыщыIах къэхъурт. Арати, Уильям унафэ ищIащ ахъшэ къеIызыхам и IэпапIэр квитанцэм тригъэуэн хуейуэ. Абы Iэмал къитащ «хьэрэмышххэр» къыщIэгъэщынымкIэ. 1858 гъэм бадзэуэгъуэм и 28-м Гершель щIыналъэм и тутнакъэщхэм ящыщ зым ар къыщигъэсэбэпащ, щIэпхъаджагъэр зэхигъэкIын щхьэкIэ.
♦1914 гъэм Япэ дунейпсо зауэм щIидзащ. Ар дунейм щекIуэкIа зауэ нэхъ ин дыдэхэм – хэта къэралхэм, зи псэр щызыта, гузэвэгъуэ хидза цIыхухэм я бжыгъэкIэ - ящыщу къалъытэ. ЦIыху мелуанипщIым щIигъу хэкIуэдауэ, мелуан 22-рэ уIэгъэ щыхъуауэ щытащ а зауэм. 1914 гъэм бадзэуэгъуэм и 28-м къыщыщIэдзауэ 1918 гъэм щэкIуэгъуэм и 11 пщIондэ екIуэкIа а зауэм хэша хъуауэ щытащ а зэманым ирихьэлIэу дунейм къэралу тета 59-м щыщу 38-р.
♦1928 гъэм Нидерландхэм я къалащхьэ Амстердам къыщызэIуахащ IХ гъэмахуэ Олимп джэгухэр. Зэхьэзэхуэхэм щIадзакIэт накъыгъэм и 1-м. Олимпиадэр зэхуащIыжащ шыщхьэуIум и 12-м.
♦1942 гъэм СССР-м зыхъумэжыныгъэмкIэ и цIыхубэ комиссарым Iэ щIидзащ 227-нэ унафэм, «Зы лъэбакъуэкIи къимыкIуэтын!» къыхуеджэныгъэр щыубзыхуам.
♦1944 гъэм Белоруссие ССР-м щыщ Брест къалэр советыдзэхэм фашист зэрыпхъуакIуэхэм къыIэщIагъэкIыжащ.
♦1957 гъэм Москва къалэм къыщызэIуахащ щIалэгъуалэмрэ студентхэмрэ я VI дунейпсо фестивалыр. Абы хэтащ къэрали 131-м къикIа ныбжьыщIэ мин 34-рэ. «Кабардинка» къэрал къэфакIуэ ансамблыр а фестивалым и лауреат хъуащ.
♦1958 гъэм Москва къыщызэIуахащ усакIуэ цIэрыIуэ Маяковский Владимир и фэеплъ.
♦1980 гъэм СССР-м и къалащхьэм щыIэ Ваганьковэ кхъэм щыщIалъхьащ Высоцкий Владимир и хьэдэр. А нэщхъеягъуэм кърихьэлIат цIыху минхэр.
♦1984 гъэм Лос-Анджелес (США) къалэм къыщызэIуахащ ХХIII Гъэмахуэ Олимп Джэгухэр. Абы хэтакъым Совет Союзымрэ абы и дарэгъу къэралхэмрэ я спортсменхэр.
♦1992 гъэм Урысейм и МЧС-м и къэлъыхъуакIуэ-къегъэлакIуэ къулыкъущIапIэр къызэрагъэпэщащ
♦1995 гъэм Индием и Бомбей къалэм и цIэр Мумбаи жиIэу зэрахъуэкIащ.
♦1824 гъэм къалъхуащ франджы драматург Дюма Александр (къуэр).
♦1900 гъэм къалъхуащ Сирием щыпсэуа жылагъуэ лэжьакIуэ, Сорбоннэ дэт университет цIэрыIуэр къэзыуха, «Шэрджэсхэм я тхыдэр», «Пащтыхьхэм я бийуэ шэрджэсхэм ирагъэкIуэкIа зауэхэр» лэжьыгъэхэр зи Iэдакъэ къыщIэкIа Сэмгугъу Iэмин.
♦1922 гъэм къалъхуащ Швейцарием щыщ, хыхэр джынымкIэ щIэныгъэлI цIэрыIуэ Пикар Жак.
♦1923 гъэм къалъхуащ кинорежиссёр, актёр, сценарист, УФ-м и цIыхубэ артист Басов Владимир.
♦1926 гъэм къалъхуащ СССР-м и цIыхубэ артисткэ Макаровэ Иннэ.
♦1937 гъэм къалъхуащ совет, урысей кинорежиссёр, драматург, актёр, тхакIуэ, УФ-м и цIыхубэ артист Мережкэ Виктор.
♦1943 гъэм къалъхуащ совет актрисэ, РСФСР-м щIыхь зиIэ и артисткэ Вертинская Марианнэ.
♦1951 гъэм къалъхуащ урысей актрисэ, РСФСР-м и цIыхубэ артисткэ Белохвостиковэ Наталье.
♦1954 гъэм къалъхуащ Венесуэлэм и президенту щыта Чавес Уго.
♦1969 гъэм къалъхуащ актрисэ, теленэтынхэр езыгъэкIуэкI, «ТЭФИ» саугъэтыр зыхуагъэфэща Меньшовэ Юлие.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 20 – 21-рэ, жэщым градус 15 – 16 щыхъунущ.
Лъэпкъ Iущыгъэ:
Апхуэдэуи мэхъу, нэхъыфIи мэхъуж.
