Календарь событий

Урысей Федерацэм бэнэкIэ хуитымкIэ пашэныгъэр къыщыхьыным хуэунэтIа зэхьэзэхуэ иджыблагъэ щекIуэкIащ Орёл къалэм и «Гринн Центр» спорт центрым. Абы щызэпеуащ илъэс 18 зи ныбжь щIалэхэр. Къэбэрдей-Балъкъэрым и командэм зэхьэзэхуэм екIуу зыкъыщигъэлъэгъуащ икIи медалитI къихьащ.

Шыпш-Бэчбо Залинэ «Нанэ и бзэ, дадэ и бзэ» зыфIища тхылъыр Къанокъуэ Арсен къызэригъэпэща «StartUp» зэпеуэм щытекIуэри, абы кърита мылъкумкIэ къыщыдигъэкIащ Котляровхэ Мариерэ Викторрэ я тхылъ тедзапIэм.

Нэхъыжьхэм я гукъэкIыжхэр сыт щыгъуи щIэщыгъуэщ, ди зэманым къыщхьэщыкIыу хъыбар гъэщIэгъуэн куэд яIэщи. КIэрашэ Михаил Хьэзрит и къуэми апхуэдэхэр щызэхуихьэсыжа тхылъ 2017 гъэм къыщыдигъэкIым, абыхэм ящыщ адыгэбзэкIи зызигъэдзэкIат къызэлъэIури. Абы и гъащIэр къызэрекIуэкIар итхыж къудейуэ аратэкъым, атIэ хъыбархэм къаIуэтэж а зэманым цIыхухэм, къуажэхэм я псэукIэу щытар. Апхуэдэ зы хъыбар си гуапэу нобэ фи пащхьэ ислъхьэну сыхуейт.

Хьэрыпым я деж щIалэ гуэр щыIэт. Ар зэрыуэлийр зыми ищIэртэкъым. Зы махуэ гуэрым азэн джэрт. Мухьэмэд-Чэрэб жыхуаIэм муIэзиным жриIащ:

Урысей ФСИН-м и деж щыIэ Жылагъуэ советым хэт Аристов Илья щыIащ республикэм тезырхэр щагъэзэкIуэж и IэнатIэм и колоние №I-м. Абы суд зытращIыхьахэр зэраIыгъ щытыкIэм  щыгъуазэ зищIащ, КъБР-м щыIэ УФСИН-м и унафэщIым и къуэдзэхэу Къанкъул Аслъэнрэ Никитин Николайрэ, УИС-м цIыхум и хуитыныгъэхэр ­щагъэзэщIэнымкIэ и управленэм и унафэщIым и дэIэ­пыкъуэгъу Текаевэ Ритэ сымэ ящIыгъуу.

Урысей ФСИН-м и щIэныгъэ-къэхутакIуэ институтым и щIэныгъэлI лэжьакIуэ нэхъыщхьэ Дворянсков Иван Къэбэрдей-Балъкъэрым щыIащ.

Тэн Iус Ростов къалэм Лышх узыфэхэмкIэ и щIэныгъэ-медицинэ IуэхущIапIэм къраIуэ куэтэн лышхыр къызэрыпцIыхуну щытыкIэхэр.

Урысей Федерацэм Мэкъумэш хозяйствэмкIэ и министерствэм иджыблагъэ къызэритамкIэ, Кавказ Ищхъэрэм и щIыналъэхэм я мэкъумэш IэнатIэхэр электрокъарурэ механикэ къарукIэ къызэрызэгъэпэща щIыкIэмкIэ Къэбэрдей-Балъкъэрым япэ увыпIэр иIыгъщ.

ЩIэуэ къыхалъхьащ

Урысейм ЛэжьыгъэмкIэ и министерствэм игъэбелджылащ псэупIэ-коммунальнэ Iуэхутхьэбзэхэм я уасэм техуэ комиссэхэмрэ тыгъуэ пIалъэр фIезыгъэшхэм зэретхьэкъу къуэдыхэмрэ ятыну дяпэкIэ къызытемыхуэхэр.

Гъатхэм псом япэу хъуну пхъэщхьэмыщхьэхэм ящыщщ псоми фIыуэ ялъагъу мамкъутыр. Иужьрей зэманым абыхэм къатехъукIа лIэужьыгъуэ куэд къежьащ. Ахэр я теплъэкIи, я IэфIагъкIи зэхуэдэкъым, абыхэм я дэтхэнэри цIыхум и Iэпкълъэпкъыр зыхуеину псомкIи сэбэпщ. Ар пшхыну зэрыгуакIуэм къищынэмыщIауэ, цIыхур зыхуэныкъуэ витаминхэмрэ минерал пкъыгъуэ сэбэпхэмкIи къулейщ: А, В, С, кремний, молибден, магний, марганец, гъущI, фосфор, натрий, хром, цинк. Абы къыхэкIыу гу-лъынтхуэ, псантхуэ, щIыIэ узхэмкIэ сэбэпщ, къарур зэрегъэубыд, пкъыгъуэ зэранхэр Iэпкълъэпкъым къыхеш, косметологиеми къыщагъэсэбэп.

Дзэлыкъуэкъуажэ дэт поликлиникэр илъэситI хъуауэ медицинэм и иджырей мардэхэм тету мэлажьэ. «Узыншагъэр хъумэн» лъэпкъ проектым хыхьэ, цIыхухэм япэ медицинэ дэIэпыкъуныгъэхэр щрат IуэхущIапIэхэр къэгъэщIэрэщIэжын щIыналъэ программэмкIэ ар сыт и лъэныкъуэкIи зыхуей хуэзэу зэрагъэпэщыжащ.

Дзэлыкъуэ район сымаджэщым и поликлиникэ къудамэм цIыху мин 49-рэ епхащ, махуэ лэжьэгъуэм абы зыхуэныкъуэ дэIэпыкъуныгъэр щагъуэтыфынущ сымаджэ 380-м, къищынэмыщIауэ, абы хэтщ гъуэлъыпIэ 65-рэ щIэту махуэ стационар.

Зэманым и лIыхъужькIэ узэджэ хъун цIыху сыт хуэдэ лъэхъэнэми къегъэщI, дэтхэнэ IэнатIэми ущрохьэлIэ. Апхуэдэщ зи фхуэтщIыну АР-м щIыхь зиIэ и журналист, «Адыгей» КъТРК-м и япэ диктор, гъэзэщIакIуэ продюсер ТIэш Светланэ. Илъэс 31-рэ ипэ, япэ дыдэу Адыгей телевиденэм къитIысхьэу хъыбарыщIэхэр къэзытари, махуэ къэс абы нэтын щезыгъэкIуэкIыу щытари Светланэщ. Аращ ар нобэ республикэ псом къыщIыщацIыхур, пщIэ къыщIыщыхуащIыр, и цIэмрэ ТВ-мрэ зэпхауэ щIыщытыр.

Мэлыжьыхьым и 3, бэрэжьей

♦Урысейм щагъэлъапIэ Геологым и махуэр

♦ГуфIэгъуэ пшыхьым и дунейпсо махуэщ

♦1963 гъэм къалъхуащ усакIуэ, Адыгэ Республикэм щэнхабзэмкIэ щIыхь зиIэ и лэжьакIуэ Къуий Щыхьымбий.

Дунейм и щытыкIэнур

«pogoda.yandex.ru» сайтым зэритымкIэ, республикэм уфауэ щыщытынущ. Махуэм хуабэр градус 14 - 21, жэщым  градуси 8 щыхъунущ. ЩIым и малъхъэдис щытыкIэм балли 2-кIэ зихъуэжынущ.