|
Календарь событий
05 апреля 2024
5 апреля, 2024 - 16:41
ТехнологиещIэхэм я фIыгъэкIэ щIэныгъэлIхэм я зэфIэкIым хэхъуэ зэпытщ. Илъэс тIощIырыпщI ипэкIэ фIэщщIыгъуейуэ къащыхъуу щыта куэдым нобэ йоплъ дэтхэнэ зы Iуэху къызэрыгуэкIми хуэдэу. Зыужьыныгъэм и Iэужьыр гъащIэм и лъэныкъуэ псоми зэрынэсыр нэрылъагъу тщызыщI щапхъэ дапщэ дыщрихьэлIэрэ ди хъуреягъым.
5 апреля, 2024 - 15:58
Къэбэрдей-Балъкъэр къэрал университетым дизайнымкIэ и колледжым «Щэнхабзэ щIэинхэр зэгъэпэщыжын» («Реставрация») унэтIыныгъэмкIэ IэщIагъэрэ щIэныгъэрэ зэзыгъэгъуэт и еджакIуэхэр иджыблагъэ Iуэхугъуэ дахэ хэтащ. Лапхъэмрэ пхъэмрэ къыхэщIыкIа щэнхабзэ хъугъуэфIыгъуэхэр зэрахъумэ щIыкIэхэм, зэман кIыхьымрэ дыкъэзыухъуреихь щIыуэпсымрэ я ягъэ зэкIа IэщIагъэхэр зэрызэрагъэпэщыжым теухуа, практикэ мыхьэнэ зиIэ лекцэ зыбжанэ еджакIуэхэм къахуеджащ Урысейм и щэнхабзэ щIэинхэр зэгъэпэщыжынымкIэ зэгухьэныгъэм хэт IэщIагъэлIхэр.
5 апреля, 2024 - 14:57
КъБР-м СпортымкIэ и министерствэм и телеграмм-каналым къызэритамкIэ, Кавказ Ищхъэрэм стIолыщхьэ теннисымкIэ пашэныгъэр къыщыхьыным хуэунэтIа зэхьэзэхуэ иджыблагъэ Налшык къалэм щекIуэкIащ. Абы щызэпеуащ Дагъыстэным, Къэбэрдей-Балъкъэрым, Осетие Ищхъэрэ – Аланием, Ставрополь крайм я спортсмену 100-м нэблагъэ, я ныбжькIэ илъэс 14-м щхьэдэмыхауэ.
Зэхьэзэхуэм и домбеякъ медаль къихьащ ди командэм щыщ Хъан Батыр. Ещанэ увыпIэм щхьэкIэ абы къыпэщIэтащ нэгъуэщI ди зы щIалэ – Абазэ Аслъэнбэч. Хъаным и тренерыр Темыркъан Заурщ.
5 апреля, 2024 - 13:56
Урысей МВД-м Лэскэн районым щиIэ къудамэм, Урысей ФСБ-м и Упаравленэу КъБР-м щыIэм я лэжьакIуэхэм, Урысей гвардием и щIыналъэ управленэм и зауэлIхэр ящIыгъуу Аргудан къуажэм и мэзылъэм щаубыдащ илъэс 36-рэ зи ныбжь, щIыпIэм щыпсэур, къуэкIыпIэ бжей мэз жыгхэр ириупщIыкIыу.
ЦIыхухъум зэрыжиIамкIэ, абы ар игъэхьэзырт и хуабэщхэр иригъэплъын папщIэ. КъБР-м щIыуэпс хъугъуэфIыгъуэхэмрэ экологиемкIэ и министерствэм къызэрилъытамкIэ, абы къыхэкIыу къэралым сом мелуан 1,1-рэ хэщIыныгъэ игъуэтащ.
5 апреля, 2024 - 12:54
ЕсэнтIыгу къалэм и Кубокыр футболымкIэ къэхьыным хуэунэтIа зэхьэзэхуэ а къалэм иджыблагъэ щекIуэкIащ. Зэпеуэм кърихьэлIащ Урысей Ипщэмрэ Кавказ Ищхъэрэмрэ я щIыналъэхэм я командэу 8, езы джэгуахэр я ныбжькIэ илъэс 15-м щIимыгъуауэ.
Къэбэрдей-Балъкъэрым къыбгъэдэкIыу абы хэтащ Iэпщэ Александр и цIэр зэрихьэу Налшык къалэм дэт футболымкIэ спорт еджапIэм и тренер Махъсидэ Лиуан и гъэсэнхэр икIи етIуанэ увыпIэр абы къыщахьащ.
5 апреля, 2024 - 12:26
Мэлыжьыхьым Осетие Ищхъэрэ - Аланием и курыт еджапIэ нэхъыфIхэм яIэрыхьэнущ республикэм и Iэтащхьэм и грантхэр, сом мелуан 60 хъур. Республикэм егъэджэныгъэмрэ щIэныгъэмкIэ и министерствэм хэIущIыIу зэрищIамкIэ, школ къэс мелуан зырыз ялъысынущ.
5 апреля, 2024 - 12:14
АдыгэкIэ узэджэ хъунур
Зы хьэщIэщ дисти, зылI и псалъэм къыхэхуэ зэпытт: «Адыгэ! Адыгэ! Адыгэм хуэдэ щыIэ ?!- жиIэурэ.
- Хэт адыгэкIэ узэджэ хъунур?- сеупщIащ, и жьэр щымыувыIэм.
Зы къэбэрдей къытхэсти, абы къыхедзэ:
- Къэбэрдейращ адыгэкIэ узэджэ хъунур!
- Шапсыгъращ адыгэр! – идакъым шапсыгъым.
Абазэхэм жиIащ:
- Абазэхэращ адыгэр!
- Хьэтыкъуейращ адыгэр! – жиIащ хьэтыкъуейм.
Зы нэхъыжь къытхэсти, псоми я псалъэм едэIуа нэужь, мыр жиIащ:
5 апреля, 2024 - 11:18
«CUP ATLETIK» фIэщыгъэр зэрихьэу щIыналъэхэм футбол цIыкIумкIэ я зэхьэзэхуэ иджыблагъэ Минвод къалэм щекIуэкIащ. Абы щызэпеуащ КИФЩI-м и сабий спорт еджапIэхэм, футбол клубхэм я командибл, езы джэгуахэр я ныбжькIэ илъэси 8 - 9 хъухэу.
Къэбэрдей-Балъкъэрым къыбгъэдэкIыу абы я зэфIэкI къыщагъэлъэгъуащ Iэпщэ Александр и цIэр зэрихьэу Налшык къалэм дэт футболымкIэ спорт еджапIэм и гъэсэнхэм икIи, ди гуапэ зэрыхъущи, япэ увыпIэр зэпеуэм къыщахьащ. Абы нэмыщI, зэхьэзэхуэм и футболист нэхъыфIу къалъытащ ди щIалэ Токъуий Байсангур.
5 апреля, 2024 - 10:11
Сабий тхылъым и тхьэмахуэр къэунэхуауэ щытащ Хэку зауэшхуэм и зэманым – 1943 гъэм. Сабий тхакIуэ Кассиль Лев Москва къыщызэIуихащ япэ тхьэмахуэр. Абы фIищат «Тхылъхэм я махуэхэр» («Книжкины именины»). «Сыту гуапэ уи гупсысэм лъагъуэ щыхишым, ар цIыхубэм зэдай щыхъум деж», - иретхэ абы иужькIэ и блокнотым.
5 апреля, 2024 - 10:01
Урысей МВД-м КъБР-м щиIэ и управленэм и Жылагъуэ советым хэтхэр цIыхухэм яIущIэнущ. Абы щыхэплъэнущ къэрал кIуэцI органхэм я къалэнхэр зэрагъэзащIэм, хабзэхъумэхэмрэ жылагъуэмрэ я зэгурыIуэныгъэр гъэбыдэным теухуауэ лэжьыпхъэм.
5 апреля, 2024 - 09:48
ГукIи псэкIи къызыхэкIа лъэпкъым хуэлэжьащ ПащIэ Бэчмырзэ. И лъэпкъэгъухэм я къэкIуэным иригумэщIырт ар. Апхуэдэу хамэ къэралхэм, къапщтэмэ, Тыркум, Iэпхъуа адыгэхэм я Iуэху зэрыщыт зригъэщIэну Бэчмырзэ пщэрылъ зыщищIыжат.
5 апреля, 2024 - 09:07
Мэлыжьыхьым и 5, мэрем
Гъэсэныгъэм и дунейпсо махуэщ
1905 гъэм Курп Ищхъэрэ къуажэм и мэкъумэшыщIэхэм зыкъаIэтащ.
1943 гъэм ВКП(б)-м и Къэбэрдей-Балъкъэр обкомым и бюром унафэ къищтащ Бахъсэн ГЭС-р зэфIэгъэувэжыным теухуауэ.
1956 гъэм къалъхуащ бзэщIэныгъэлI, филологие щIэныгъэхэмIэ доктор, профессор, ЩIДАА-м и академик ПIаз Сергей.
Дунейм и щытыкIэнур
|