|
Спорт
18 июля, 2022 - 10:57
Мы мазэм и пэщIэдзэм къэралым и Президентым къыдигъэкIа Указым ипкъ иткIэ ди лъахэгъу цIэрыIуэ, Урысей Федерацэм щIыхь зиIэ и тренер Габрилян Геннадий къыхуагъэфэщащ «Зэныбжьэгъуныгъэм и орден» дамыгъэ лъапIэр.
18 июля, 2022 - 09:55
Мэзкуу пэгъунэгъу «Отрада» шы-спорт клубым бадзэуэгъуэм и I-3-хэм дунейпсо, урысейпсо мыхьэнэ зиIэ шыгъажэ кIыхь щекIуэкIащ.
«Урысейм шыгъажэ кIыхьхэмкIэ и чемпион» цIэм щхьэкIэ зэхьэзэхуэм хэтащ шу I5. Нэхъ гугъуу икIи нэхъ кIыхьу, ауэ зи пщIэри нэхъ лъагэу къалъытэ, километри I60-м япэ увыпIэр къыщихьащ хьэрыпышым теса Лосевэ Дарье (и шым и цIэр Дипкурьерщ). И кIэм нэса шууи 8-м яз хъуащ Дарье. Ику иту шыхэм яIыгъа псынщIагъыр – зы сыхьэтым километр I6,82-рэ.
14 июля, 2022 - 16:03
Мы махуэхэм хъыбар къытIэрыхьащ Мэзкуу областым и «Химки» командэм хэту 2022-2023 гъэхэм Урысей Федерацэм и премьер-лигэм щыджэгуну зызыгъэхьэзыр Мырзэ Резуан Тыркум зыкъыщигъэлъэгъуэну зэрырагъэблэгъам теухуауэ.
13 июля, 2022 - 12:15
ЗэрыхуагъэфащэмкIэ, Урысей Федерацэм футболымкIэ и етIуанэ дивизионым и Япэ гупым бадзэуэгъуэм и 24-м щрагъэжьэну зэпеуэщIэр зэрекIуэкIыну щIыкIэр иджыри къэс щыIахэм куэдкIэ къащхьэщокI. Абы ерыщу зыхуегъэхьэзыр «Спартак-Налшыкым». Хэт ищIэн, къэщIэрэщIэжыныгъэм и гъуэгум щытеувэну лъэхъэнэщIэ хъуфынущ ар.
12 июля, 2022 - 06:55
Нобэ и ныбжьыр илъэс 65-рэ ирокъу дзюдомкIэ дунейпсо чемпион, Континентхэм я кубокыр тIэунейрэ къэзыхьа, Европэм плIэнейрэ щытекIуа, Совет Союзми апхуэдизрэ щынэхъ лъэща, СССР-м спортымкIэ щIыхь зиIэ и мастер Лъэцэр Хьэзрэт. Ар къыщалъхуари къыщыхъуари Адыгейм хыхьэ Къэзаныкъуей къуажэращ.
11 июля, 2022 - 11:38
Ижь-ижьыж лъандэрэ адыгэхэм шыгъажэр яфIэфIщ. Нобэми ар зыхалъхьэ зэрыщымыIэр и щыхьэтщ щэбэт кIуам Налшык и ипподромым щекIуэкIа зэпеуэхэр – абыхэм еплъыну цIыху куэд дыдэ кърихьэлIат.
7 июля, 2022 - 15:00
«Терек-Олимп» спорткомплексым и алэрыбгъухэм иджыблагъэ зыкъыщагъэлъэгъуащ къэралым и щIыпIэ 23-м къикIа самбисти 120-м нэблагъэ. Абыхэм яхэтакъым спортым и мастерым и кандидатым и зэфIэкIым нэхъ мащIэ зиIэ.
СССР-м спортымкIэ и мастер Пэнагуэ Къазбэч и фэеплъ зэхьэзэхуэм зэхуишэсат Урысей Федерацэм самбэмкIэ нэхъ щылъэрызеехьэхэр. Хэлъагъи 8-м щызэпэщIэта дэтхэнэми, бжьыпэр иубыдмэ, Iэмал иIэт спортым и мастерым и мардэр игъэзэщIэну.
7 июля, 2022 - 14:30
Урысей Федерацэм футболымкIэ и япэ дивизионым иджыблагъэ щиуха зэхьэзэхуэм ипкъ иткIэ а гупыр зыбгына Ивановэ и «Тесктильщик»-м и гъуащхьауэ Мэшыкъуэ Хьэчим Дон Iус Ростов и СКА-м хыхьащ.
2014 гъэм Хьэчим топ джэгу иным къыхыхьащ. Абы къыщыщIидзащ зыщигъэса «Спартак-Налшыкым». АрщхьэкIэ мыгувэу Мейкъуапэ и «Дружба»-мрэ Песчанокопскэм и «Чайка»-м къыщыхутащ. НэгъуэщI щIыпIэхэм и насып къыщимыкIыщауэ, Мэшыкъуэ Хьэчим Къэбэрдей-Балъкъэрым къигъэзэжащ.
6 июля, 2022 - 06:42
Нобэ къыщалъхуа махуэщ Къэбэрдей-Балъкъэрым и тхыдэм дыщэ хьэрфхэмкIэ иратха шы спортымкIэ олимп чемпион Рогожин Сергей. Псэужатэмэ абы и ныбжьыр илъэс 66-рэ ирикъунут
5 июля, 2022 - 09:37
Бахъсэн къалэ дэт «Юность» стадионым щекIуэкIуэкIащ «Юг-2022» 2010-2011 гъэхэм къалъхуа ныбжьыщIэхэм регбимкIэ академием и кубокыр къэхьыным ехьэлIа зэхьэзэхуэ. Ар хуэгъэпсауэ щытащ Къэбэрдей-Балъкъэр Республикэр илъэси 100 зэрырикъум.
Зэхьэзэхуэм хэтащ КъБР-м и командищ, Дагъыстэным щыщ командитI, Ростов областым, Ставрополь крайм, Ингушым къикIа командэ зырыз. Зэпеуэм и хьэщIэ лъапIэу щытащ Бахъсэн къалэ администрацэм и лэжьакIуэхэр, регбист цIэрыIуэхэр, КъБР-м регбимкIэ и федерацэм хэтхэмрэ регбимкIэ«Юг» академием и лIыкIуэхэмрэ.
Страницы
|