|
Спорт
11 мая, 2022 - 17:19
Санкт-Петербург къалэм дэт «Юбилейный» спорт комплексым щекIуэкIащ самбэмкIэ ХХ дунейпсо ныбжьыщIэ зэхьэзэхуэ. «ТекIуэныгъэ» зыфIаща зэпеуэм зэфIэкI лъагэхэр къыщагъэлъэгъуащ Къэбэрдей-Балъкъэрым щыщ спортсменхэм.
Дунейпсо зэхьэзэхуэм ещанэ увыпIэр къыщызыхьа Кавказ Ищхъэрэ федеральнэ щIыналъэм и командэ къыхэхам и ехъулIэныгъэм хэлъхьэныгъэшхуэ хуащIащ Сунш Къантемыр, КъуэщIысокъуэ Темырлан, Беслъэней Темырлан, Сонэ Идар сымэ.
6 мая, 2022 - 08:00
Лъакъуэрыгъажэ спортымкIэ СССР-м тхуэнейрэ и чемпион (1968, 1971, 1972 гъэхэм команднэ зэпеуэм, 1968 гъэм щхьэзакъуэ зэхьэзэхуэм, 1972 гъэм махуэ куэдкIэ екIуэкIа зэдэжэм), дунейпсо чемпион (1970 гъэ), Олимп чемпион (1972 гъэ) Шыхъуэ Борис и ныбжьыр накъыгъэм и 8-м илъэс 75-рэ ирокъу.
1 мая, 2022 - 12:35
Владивосток къалэм дэт КъуэкIыпIэ Жыжьэ федеральнэ университетым мэлыжьыхьым и 25 - 27-хэм щекIуэкIащ Урысей Федерацэм алыдж-урым бэнэкIэмкIэ и зэхьэзэхуэ. МахуищкIэ зэхэта зэIущIэхэм я хьэлъагъ елъытауэ зэщхьэщыхауэ щыта гупипщIым саугъэт нэхъыщхьэхэм щыщIэбэнащ къэралым и щIыналъэ 47-м къикIа зи ныбжьыр илъэс 24-м нэс спортсмен щIалэщIэ 350-м нэблагъэ.
29 апреля, 2022 - 14:21
Урысей МЧС-м и Управленэ нэхъыщхьэу КъБР-м щыIэмрэ Къэбэрдей-Балъкъэрым мафIэсым пэщIэт-къегъэлакIуэ и IэнатIэмрэ мафIэсым хэхуахэр къегъэлыным епха спортымкIэ я республикэ зэхьэзэхуэм кърикIуахэр наIуэ хъуащ.
29 апреля, 2022 - 09:17
Тэрч къалэ дэт Гагарин Юрий и цIэр зезыхьэ стадионым щекIуэкIащ Урысей Федерацэм и прокуратурэр къызэрызэрагъэпэщрэ илъэс 300, Къэбэрдей-Балъкъэрым и прокуратурэр илъэси I00 зэрырикъум теухуа футболымкIэ щIыналъэм и зэхьэзэхуэ зэIуха. АбыкIэ жэрдэм къыхалъхьащ Тэрч муниципальнэ районым и администрацэмрэ куейм и прокуратурэмрэ.
28 апреля, 2022 - 08:31
Налшык дэт «Спартак» стадионым щекIуэкIащ Ипщэ, Кавказ Ищхъэрэ федеральнэ щIыналъэхэм ребги 7-мрэ (зи ныбжьыр илъэс 18 иримыкъуахэм) регбимкIэ (зи ныбжьыр илъэс 16 иримыкъуахэм) зэхьэзэхуэхэр. Я ныбжь елъытауэ зэщхьэщыха дэтхэнэ гупми хэтащ Кърымым, Дагъыстэным, Ростов областым, Краснодар крайм, Къэбэрдей-Балъкъэрым я командэхэр.
28 апреля, 2022 - 08:00
Тэтэрстаным и къалащхьэ Къэзан щекIуэкIащ масс-рестлингымкIэ цIыхухъухэмрэ цIыхубзхэмрэ я Урысейпсо чемпионат. Абы хэтащ къэралым и щIыналъэ 32-м икIа спортсмен 200-м шIигъу. Къэбэрдей-Балъкъэрым щыщу чемпионатым зыкъыщызыгъэлъэгъуа спортсмениблым иужьрей илъэсиплIым ди республикэм ямыIа ехъулIэныгъэ къахьащ.
ЦIыхухъухэм я деж дыжьын медаль щызыIэригъэхьащ Къэбэрдей-Балъкъэрым и мас-рестлер нэхъ лъэщ Схвитаридзе Тамерлан. Домбеякъыр къихьащ Кавказ Ищхъэрэ щIыналъэм мас-рестлингымкIэ япэу спортым и мастер хъуа Къардэн Тимур.
27 апреля, 2022 - 15:55
Налшык дэт Универсальнэ спорт комплексым щекIуэкIащ СССР-м спортым и мастер, медицинэ щIэныгъэхэм я кандидат, бэнэкIэ хуитымкIэ Урысей Федерацэм и командэ къыхэхам и дохутыр Ибрэхьим Борис и фэеплъу бэнэкIэ хуитымкIэ Кавказ Ищхъэрэ федеральнэ щIыналъэм и зэхьэзэхуэ.
24 апреля, 2022 - 12:25
Урысей Федерацэм щIыхь зиIэ и ухуакIуэ Фёдоров Юрий и фэеплъу Челябинск къалэм щекIуэкIащ дзюдомкIэ къэралпсо зэхьэзэхуэхэр. Абы и саугъэт нэхъыщхьэхэм щIэбэнащ Урысейм и щIыналъэ 15-м къикIа зи ныбжьыр илъэс 13 - 15-м ит спортсмен ныбжьыщIэ 350-м нэблагъэ.
22 апреля, 2022 - 07:09
Мэлыжьыхьым и 15-17-хэм Нарткъалэ щекIуэкIащ №ЕКП12384 авиамоделхэмкIэ урысейпсо зэхьэзэхуэхэр.
Страницы
|