|
Спорт
19 августа, 2022 - 15:10
Ислъэмей щекIуэкIащ мини-футболымкIэ къуажэ чемпионат. ЩIыпIэ администрацэм къызэригъэпэща зэхьэзэхуэм хэтащ футболист 54-рэ къызэщIэзыубыда командих.
15 августа, 2022 - 10:00
ШыщхьэуIум и 10-м къыщыщIэдзауэ жэпуэгъуэм и 2 пщIондэ ди къэралым щекIуэкIынущ Урысей Федерацэм и щIыналъэхэм я 1 Урысейпсо спартакиадэ. Спорт лIэужьыгъуэ 39-мкIэ зэпеуэхэр щекIуэкIынущ къэралым и щIыналъэ 12-м. ГуфIэгъуэкIэ спартакиадэр шыщхьэуIум и 20-м Мэзкуу къалэ дэт «Мегаспорт» спорт комплексым къыщызэIуахынущ. Зэхьэзэхуэхэм я къызэгъэпэщакIуэщ Урысейм СпортымкIэ и министерствэр.
14 августа, 2022 - 11:41
Налшык къалэ и «Кавказ» санаторэм зыщызыгъэпсэху ныбжьыщIэхэм папщIэ, «Зарядись энергией с Росгвардией» акцэм хыхьэу, Звезднэ посёлкэм щыIэ дзэ частым щрагъэкIуэкIащ спорт Iуэхухэр.
13 августа, 2022 - 11:41
ГъащIэ узыншэр иджыпсту гулъытэ нэхъыщхьэ зыгъуэтхэм ящыщ зы унэтIыныгъэщ. Урысейм физкультурэм зыщегъэужьыным 1920 гъэхэм и кIэхэм щыщIадзащ. Абы щыгъуэм екIуэкIащ япэ спартакиадэхэри. Алъандэрэ къыхаха унэтIыныгъэм текIакъым, лъэпкъым и узыншагъэр спортым зэрепхар къагурыIуэу. Уеблэмэ, Хэку зауэшхуэм и лъэхъэнэм Мэзкуу эстафетэхэр щрагъэкIуэкIыу щытащ.
12 августа, 2022 - 12:34
Тхьэмахуэ махуэм зэхэтащ Налшык и Дерби Саугъэтышхуэр – илъэсищ зи ныбжь шыхэм я зэхьэзэхуэр. Зэхьэрхуэрэгъу шы куэд, саугъэт лъапIэхэр, Налшык ипподромым и рекорд – а псомкIи ягу къинэжащ иджырей шыгъажэр.
Зэпеуэхэр къызэIуахащ альпинизмэм и махуэм папщIэ ягъэува саугъэтыр къэхьыным ехьэлIауэ метри I200-м къыщызэдэжа илъэситI зи ныбжь иджылыз-адыгэшхэм. А гъуэгуанэр псом нэхърэ нэхъ жыджэру къызэпичащ Къурсакъ Лиуан и уанэм щIэта гъуабжьэ-фIыцIафэ Палладэ. Хьэгъэжей Мудид и гъэхъуным жыжьэу къызэринэкIащ шыбз лъэщ куэд.
10 августа, 2022 - 11:00
СтIолыщхьэ теннисымкIэ Къэбэрдей-Балъкъэрым япэу зыгъэсэн щыщIэзыдзахэм ящыщщ зыбжанэрэ Урысеймрэ Европэмрэ я чемпион хъуа Батыр ФатIимэ.
1966 гъэм Налшык дэт курыт еджапIэ №5-м къыщызэIуахащ стIолыщхьэ теннисымкIэ секцэ. Абы и хъыбарыр зэхэзыха илъэс 12 фIэкIа мыхъу Батыр ФатIимэ зыхуигъэзащ а зэманым япэ теннисист гупыр зыгъэсэну зэхуэзышэс Урысейм щIыхь зиIэ и тренер Малиевский Арнольд.
9 августа, 2022 - 14:17
Нобэ, шыщхьэуIум и 9-р, кыщалъхуа махуэщ самбэмкIэ дунейми Европэми я чемпион, Урысей Федерацэм спортымкIэ щIыхь зиIэ и мастер Уэзы Мурат. Щыбэна алэрыбгъум къищынэмыщIауэ, жылагъуэ-политикэ гъащIэми увыпIэшхуэ щиIыгъщ абы – ар Къэрэшей-Шэрджэс республикэм и Абазэ щIыналъэм и Iэтащхьэу лэжьащ, иужькIэ КъШР-м и Правительствэм и тхьэмадэм и къуэдзэу щытащ, Къэрэшей-Шэрджэсым и Iэтащхьэмрэ Правительствэмрэ я Администрацэм и унафэщIу щытащ.
8 августа, 2022 - 14:00
Налшык и ипподромым щекIуэкIынущ шыхъуэхэм нэхъыбэу зызыхуагъэхьэзыр зэхьэзэхуэр. Ар хабзэ хъуауэ ягъэджэгу ДербикIэ зэджэ илъэсищ зи ныбжь лIы къабзэ уанэшхэм я къызэдэжэрщ.
7 августа, 2022 - 13:08
Налшык къалэ щекIуэкIащ «Кавказым и хъуаскIэхэр» («Искры Кавказа») тхэквондомкIэ фестиваль зэIуха. Абы хэтащ Кавказ Ищхъэрэ федеральнэ щIыналъэм хыхьэ республикэхэм къикIа спортсмени 120-м щIигъу.
7 августа, 2022 - 12:07
Къэбэрдей-Балъкъэрым щыщ лъагэу дэлъеинымкIэ спортсмен цIэрыIуэ Ласицкене Марие пашэныгъэр щиубыдащ атлетикэ псынщIэмкIэ Урысей чемпионатым.
Страницы
|