НОБЭ

♦Урысейм и Дзэ-Хьэуа Къарухэм я командованэ нэхъыщхьэм и махуэщ
♦Тунисым щагъэлъапIэ я Революцэм и махуэр
♦1535 гъэм
Лимэ къалэм (иджыпсту Перу къэралым и щыхьэрщ) и лъабжьэр ягъэтIылъащ.
♦1765 гъэм Урысей пащтыхьым указ къыдигъэкIауэ щытащ пщыхэм емыдаIуэ пщылIхэр Сыбырым ягъэкIуэну хуит ищIу.
♦1825 гъэм Москва Театр Иныр къыщызэIуахащ.
♦1925 гъэм «Новый мир» журналым и япэ номерыр къыдэкIащ.
♦1926 гъэм СССР-м и кинотеатрхэм япэу щагъэлъэгъуащ «Броненосец «Потёмкин» фильмыр.
♦1943 гъэм советыдзэхэм Ленинград къалэр фашист къэухъуреихьыныгъэм кърагъэкIащ.
♦1960 гъэм Ил-I8 кхъухьлъатэм къемытIысэхыу япэ дыдэу зэпичащ Москва - Каир гъуэгуанэр.
♦1963 гъэм СССР-м и Телевиденэ нэхъыщхьэм къыщызэрагъэпэщащ сабийхэм папщIэ нэтынхэр зыгъэхьэзырыну редакцэр.
♦1964 гъэм америкэ дохутырхэм Конгрессым къалэн щащIащ тутын уефэным зэраныгъэшхуэ зэрыпылъыр ар къыщIэзыгъэкI IуэхущIапIэхэм пачкэ псоми трахэну хуагъэувыну.
♦2018 гъэм «Ленинград къапхъэным къызэрикIар» панорамэр къызэIуахащ.
♦1854 гъэм къалъхуащ адыгэ усакIуэ ПащIэ Бэчмырзэ.
♦1882 гъэм къалъхуащ инджылыз тхакIуэ, къэрал куэдым цIэрыIуэ щыхъуа «Винни-Пух» таурыхъыр зи къалэмыпэм къыщIэкIа Милн Алан.
♦1904 гъэм къалъхуащ актёр, режиссёр, СССР-м и цIыхубэ артист Бабочкин Борис.
♦1928 гъэм къалъхуащ Совет Союзым и баскетбол командэм и тренеру щыта, СССР-м щIыхь зиIэ и гъэсакIуэ Гомельский Александр. Абы и унафэм щIэту къэралым и командэ къыхэхам ехъулIэныгъэшхуэхэр зыIэригъэхьауэ щытащ – Олимп джэгухэм щытекIуат (I988 гъэм), дунейм тIэунейрэ, Европэм блэнейрэ я чемпион хъуат.
♦1940 гъэм къалъхуащ тхакIуэ, егъэджакIуэ, кинодраматург Жылэтеж Сэлэдин.
♦1949 гъэм къалъхуащ Абхъазым, КъШР-м я цIыхубэ артист, КъБР-м щIыхь зиIэ и артист Акъ Мухьэрбэч.
♦1950 гъэм къалъхуащ урысей актёр, кинорежиссёр, УФ-м и цIыхубэ артист Невзоров Борис.
♦1954 гъэм къалъхуащ КъБР-м и Парламентым и депутату щыта, «УФ-м цIыхубэр егъэджэн и IэнатIэм и лэжьакIуэ нэхъыфI» цIэр зыхуагъэфэща, жылагъуэ лэжьакIуэ Умэ Светланэ.
♦1962 гъэм къалъхуащ уэрэджыIакIуэ, композитор, актрисэ, УФ-мрэ Куржымрэ я цIыхубэ артисткэ Гвердцители Тамарэ.
♦1986 гъэм къалъхуащ Украинэм щыщ биатлонисткэхэу, Олимп Джэгухэм я чемпионкэхэу, зэшыпхъу-зэтIолъхуэныкъуэхэу Семиренкэхэ Валентинэрэ Витэрэ.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. Махуэм хуабэр градуси 2 - 3, жэщым щIыIэр градуси 3 - 2 щыхъунущ.
Лъэпкъ Iущыгъэ:
Дакъэжьми хьэщIэ къыкъуонэ.

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ