♦Таможенникым и дунейпсо махуэщ
♦Латвие Республикэм и щхьэхуитыныгъэм и махуэщ
♦Индие Республикэм и махуэщ. 1950 гъэм а къэралыр щхьэхуит хъуащ, Инджылызым и колониеу илъэс 200-кIэ щыта нэужь.
♦Австралием и махуэщ
♦1525 гъэм Урысейм и щIыналъэм и япэ картэр къыдэкIащ.
♦1788 гъэм Австралием и къалэ нэхъ инхэм ящыщ Сидней и лъабжьэр ягъэтIылъащ Европэм икIыу Австралием япэу Iэпхъуахэм. Дэтхэнэ зы адыгэри дызыщыгуфIыкIа хъыбар къиIукIауэ щытащ а къалэм 2000 гъэм. Абы олимп чемпион щыхъуат ди бэнакIуэ лъэщ Къардэн Мурат.
♦1871 гъэм Урысейм и цIыхубзхэр хуит ящIащ къэрал къулыкъухэм пэрытыну.
♦1871 гъэм Рим Италием и къалащхьэ хъуащ.
♦1905 гъэм Африкэ Ипщэм къыщагъуэтащ дунейм щынэхъ ин дыдэ налмэсыр.
♦1924 гъэм Советхэм я етIуанэ съездым и унафэкIэ Петроград къалэм и цIэр Ленинграду зэрахъуэкIащ.
♦1943 гъэм Кемеровэ областыр къызэрагъэпэщащ.
♦1944 гъэм КъБР-м Аруан щIыналъэр къыщызэрагъэпэщащ.
♦1956 гъэм Италием щыщ Кортинэ д‘Ампеццэ къалэ цIыкIум къыщызэIуахащ VII щIымахуэ Олимп джэгухэр
♦1921 гъэм къалъхуащ совет кинорежиссёр цIэрыIуэ, СССР-м и цIыхубэ артист, Лениным и цIэр зезыхьэ саугъэтыр, СССР-м и Къэрал саугъэтыр зыхуагъэфэща, «Освобождение», «Битва за Москву», «Сталинград» фильм цIэрыIуэхэр тезыха Озеров Юрий.
♦1921 гъэм къалъхуащ Японием щыщ хьэрычэтыщIэ, Sony компание цIэрыIуэм и къызэгъэпэщакIуэ Моритэ Акио.
♦1936 гъэм къалъхуащ филологие щIэныгъэхэм я доктор, КъБКъУ-м и профессор, КъБР-м щIыхь зиIэ и егъэджакIуэ Тау Хьэзешэ.
♦1949 гъэм къалъхуащ КъБР-м щIыхь зиIэ и артисткэ, Къэбэрдей-Балъкъэрым и Къэрал саугъэтым и лауреат Джэдзауэ Венерэ.
♦1952 гъэм къалъхуащ тхыдэдж, зэдзэкIакIуэ, тхыдэ щIэныгъэхэм я кандидат, Къэбэрдей-Балъкъэрым гуэдж, манитар къэхутэныгъэхэмкIэ и институтым и къудамэм и унафэщI Мэлбахъуэ Къэралбий.
♦1961 гъэм къалъхуащ Канадэм щыщ хоккеист, дунейм щынэхъ цIэрыIуэ дыдэ спортсменхэм хабжэ Гретцки Уэйн.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. ЩIыIэр махуэм градуси 3 - 2, жэщым градуси 6 – 5 щыхъунущ.
Лъэпкъ Iущыгъэ:
УзыщIэнакIэ къыппокIуэкIыж.
