Я нэIэм щIагъэт

КIуэ­кIуэ Казбек лэжьыгъэ IуэхукIэ хуэзащ Экологие, технологие, атом кIэ­лъып­лъыныгъэхэмкIэ федераль­нэ IэнатIэм Кавказым щиIэ къудамэм и унафэщI Ца­лиев Алан.

ЛъэныкъуитIыр тепсэ­лъы­хьащ Къэбэрдей-Балъкъэрым и щIыналъэм про­мышленнэ шынагъуэншагъэ и лъэныкъуэкIэ щыIэ щыты­кIэм. «Ростехнадзор»-м и ­къудамэу Кавказым щыIэм   и унафэщIым республикэм и Iэтащхьэр щигъэгъуэзащ IуэхущIапIэхэм ягъэлажьэ, шынагъуэ къэзышэ произ­водственнэ объектхэм къы­щыщIагъэщ ныкъусаныгъэ­хэр зыхуэдэмрэ зыхуэди­зымрэ. Гулъытэ нэхъыбэ хуа­щIащ  кислород  Iэмэп­сымэхэр къэзыгъэсэбэп IуэхущIапIэ­хэм я лэжьыгъэм.
ЗэIущIэм кърикIуам ипкъ иткIэ, республикэм и Iэтащхьэм КъБР-м и Прави­тельствэм пщэрылъ щищIащ «Рос­технадзор»-м драгъэ­кIуэкI лэжьыгъэр щIагъэхуэбжьэну, абы хыхьэуи псыр ­къыщиу лъэхъэнэм гидротехникэ ухуэныгъэхэм шына­гъуэн­шагъэр къыщызэгъэ­пэщынымкIэ Iуэхури я нэIэм щIагъэтыну.