Дунейм щыхъыбархэр

Лъакъуэрыгъажэм и дунейпсо махуэщ. ООН-м и Ассамблее нэхъыщхьэм абы теухуа унафэ къищтащ 20I8 гъэм, къэрал 56-м я арэзыныгъэ хэлъу.

Черногорием егъэлъапIэ къэрал щхьэхуит щыхъуа махуэр. Абы и парламентым 2006 гъэм мэкъуауэгъуэм и 3-м унафэ къищтащ, Сербием къыгуэкIыу, Черногориер зыми и унафэ щIэмыт щIыналъэ щхьэхуэ зэрыхъум теухуауэ икIи ар дунейм и къэрал псоми къанэ щымыIэу къалъытауэ щытащ. А гъэ дыдэм, мэкъуауэгъуэм и 28-м, ар хагъэхьауэ щытащ Лъэпкъ Зэкъуэтхэм я Зэгухьэныгъэм.

1571 гъэм кърым хъан Долэт Джэрий и дзэм Москва игъэсащ.

1785 гъэм франджы къэхутакIуэ Бланшар Франсуа дунейм щыяпэу игъэлъэгъуащ езым зэпкърилъхьа парашютыр. А махуэрщ парашютыр къыщагупсыса махуэу къалъытэр.

1864 гъэм Урысейм япэ зоологие хадэр къыщызэIуахащ.

1869 гъэм Курск – Харьков – Азов гъущI гъуэгум мафIэгухэр ирикIуэу щIадзащ.

1892 гъэм къызэрагъэпэщащ «Ливерпуль» инджылыз футбол гупыр. Иджыпсту ар дуней псом щынэхъ цIэрыIуэхэм ящыщщ.

1907 гъэм ЕтIуанэ Къэрал Думэр зэбграутIыпщыкIыжащ.

1917 гъэм Советхэм я япэ съездыр къызэIуахащ.

1918 гъэм ЦIыхубэ комиссархэм я советым унафэ къищтащ «Третьяковым и галереер къэрал мылъкуу къэлъытэным теухуауэ».

1930 гъэм къэралым Лэжьыгъэмрэ зыхъумэжынымкIэ и советым унафэ къищтащ Беломор-Балтие кIэнауэр щIыным теухуауэ.

1943 гъэм зауэ зэманым зэхакъутауэ щыта Налшык лы комбинатыр зэфIэгъэувэжын яухащ.

1992 гъэм Урысей Федерацэм ШынагъуэншагъэмкIэ совет къыщызэрагъэпэщащ.

1876 гъэм къалъхуащ совет нейрохирург цIэрыIуэ, СССР-м медидинэ щIэныгъэхэмкIэ и академием и япэ президенту, абы и академику щыта, Социалист Лэжьыгъэм и ЛIыхъужь Бурденкэ Николай.

1885 гъэм къалъхуащ революционер, Урысейм и ГъэзэщIакIуэ комитет нэхъыщхьэм и унафэщIу щыта Свердлов Яков.

1906 гъэм къалъхуащ совет режиссёр, СССР-м и цIыхубэ артист, Социалист Лэжьыгъэм и ЛIыхъужь Герасимов Сергей. Абы и цIэр зэрехьэ КинематографиемкIэ урысейпсо къэрал университетым.

1931 гъэм къалъхуащ Кубэм и Къэрал советымрэ и Министрхэм я советымрэ я унафэщIу, Кубэм и компартым и ЦК-м и япэ секретару щыта Кастрэ Рауль.

1935 гъэм къалъхуащ биологие щIэныгъэхэм я доктор, профессор, сабийхэм папщIэ тхылъ куэд къыдэзыгъэкIа тхакIуэ Тамбий Александр.

1948 гъэм къалъхуащ публицист, КъБР-м щIыхь зиIэ и журналист, «Адыгэ псалъэ» газетым и обозреватель Шал Мухьэмэд.

1953 гъэм къалъхуащ радиожурналист, Урысей артиадэм и лауреат Багъэтыр Нинэ.

1958 гъэм къалъхуащ КъБР-м щIыхь зиIэ и ухуакIуэ Ещтрэч СулътIан.

1962 гъэм къалъхуащ Кубаным и къэрал, политикэ лэжьакIуэ, Успенскэ куеймрэ Армавир къалэмрэ я Iэтащхьэу, Краснодар крайм и губернаторым и япэ къуэдзэу щыта Хьэту Жамболэт.

1982 гъэм къалъхуащ атлетикэ псынщIэм щиIэ зэфIэкIхэмкIэ дуней псом цIэрыIуэ щыхъуа, Олимп Джэгухэм тIэунейрэ щытекIуа Исинбаевэ Еленэ.

1986 гъэм къалъхуащ Испанием щыщ теннисист, Олимп чемпион, а спорт лIэужьыгъуэмкIэ 2008 – 20II гъэхэм дуней псом бжьыпэр щызыIыгъа Надаль Рафаэль.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 27 – 28-рэ, жэщым градус 17 - 18 щыхъунущ.

Лъэпкъ Iущыгъэ:

Жэщу плъэгъуа хъыджэбзым пщэдджыжьым зэ еплъыж.