Дунейм щыхъыбархэр

Нобэ

Ерыскъыпхъэхэр шынагъуэншэу щытыным и дунейпсо махуэщ

Испанием щагъэлъапIэ Республикэм и махуэр

Алтай Республикэм и конституцэр къыщащта махуэщ

Къыргъызым и финанс, экономикэ IэнатIэхэм я лэжьакIуэхэм я махуэщ

1340 гъэм Голландием Роттердам къалэм и лъабжьэр щагъэтIлъащ.

1498 гъэм Колумб Христофор ежьащ дунейр къызэхикIухьыну, иджы ещанэу.

1732 гъэм Санкт-Петербург япэ ЩIымахуэ уардэунэм, пащтыхь гуащэ Иоанн ипхъу Аннэ хуаухуам, и лъабжьэр щагъэтIылъащ.

1881 гъэм Пушкин Александр и фэеплъ Москва къыщызэIуахащ.

1903 гъэм франджы щIэныгъэлI Кюри Пьер Берлин къалэм хэIущIыIу щищIащ полоний химие пкъыгъуэщIэр къызэрихутар.

1927 гъэм Италием къыщызэрагъэпэщащ иджы дунейм щынэхъ цIэрыIуэ дыдэхэм ящыщ хъуа «Рома» футбол клубыр.

1936 гъэм КъБР-м Физкультурэмрэ спортымкIэ и республикэ комитет къызэрагъэпэщащ.

1960 гъэм Сауд Хьэрыпым цIыхубзхэр хуит щащIащ щIэныгъэ зрагъэгъуэтыну.

2008 гъэм Европэм футболымкIэ и чемпионатым щIидзащ. Ар Австриемрэ Швейцариемрэ щекIуэкIащ мэкъуауэгъуэм и 7-м къыщыщIэдзауэ мэкъуауэгъуэм и 29 пщIондэ. Абы щытекIуауэ щытащ Испанием и командэ къыхэхар.

1933 гъэм къалъхуащ тхакIуэ, усакIуэ-уэрэдус, драматург, актёр, УФ-м и цIыхубэ артист Арканов (и унэцIэ дыдэр Штейнбокщ) Аркадий.

1946 гъэм къалъхуащ тхакIуэ, драматург, АР-м щIыхь зиIэ и журналист Хъурмэ Хъусен.

1952 гъэм къалъхуащ адыгэхэм къахэкIа, Тыркум щыщ тхакIуэ, Нобель саугъэтым литературэмкIэ и лауреат 2006 гъэм хъуа Памукъ Орхьан.

1952 гъэм къалъхуащ КъБР-м щIыхь зиIэ и артист Тэтэр Анатолэ.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 20 – 21-рэ, жэщым градус 14 - 15 щыхъунущ.

Лъэпкъ Iущыгъэ:

Си хьэ дзакъэркъым, сиш уэркъым жумыIэ.