Нобэ

Жьыбгъэм и дунейпсо махуэщ
Зи ныбжь хэкIуэтахэм кIэлъызэрахьэ бзаджагъэхэр хэIущIыIу щIыным и дунейпсо махуэщ
Армением и къэрал ныпым и махуэщ
Азербайджаным щагъэлъапIэ лъэпкъыр хъумэным и махуэр
1561 гъэм Идар Темрыкъуэ ипхъу Гуащэнэ (Марие) Москва нэсащ. Абы щIыгъуащ и дэлъху Думэныкъуэ, и шыпхъу Алътыншаш, абы и щхьэгъусэ Бекбулат, а тIум я къуэ Саин-Булат сымэ.
1862 гъэм Америкэм щыщ Гатлинг Ричард япэу пулемёт къигупсысащ.
1885 гъэм Урысейм унафэ къыщащтащ ныбжьыщIэхэмрэ цIыхубзхэмрэ жэщым ямыгъэлэжьэным теухуауэ. 
1920 гъэм Эстоние Республикэм и Конституцэр къащтащ.
1931 гъэм ВКП (б)-м и ЦК-м Москва къалэм метро щыухуэным теухуа унафэ къищтащ. 1935 гъэм и накъыгъэм къызэIуахащ абы и япэ гъуэгуанэр, «Сокольники» - «Парк культуры» жыхуиIэр.
1954 гъэм УЕФА зэгухьэныгъэр къызэрагъэпэщащ.
1984 гъэм СССР-м цIыхубэ махуэшхуэу иджыри зы щагъэуващ – ЩIэныгъэхэм я махуэр.
2001 гъэм Китайм, Урысейм, Къэзахъстаным, Таджикистаным, Къыргъызым, Узбекистаным я унафэщIхэм я жэрдэмкIэ ЗэдэлэжьэнымкIэ Шанхай зэгухьэныгъэр къызэрагъэпэщащ.
1867 гъэм къалъхуащ урыс усакIуэ, адыгэ бзылъхугъэм теухуа усэ телъыджи зи къалэмыпэм къыпыкIа Бальмонт Константин.
1892 гъэм къалъхуащ Социалист Лэжьыгъэм и ЛIыхъужь Бырс Анзор.
1896 гъэм къалъхуащ совет къэралым автомобиль къыщIэгъэкIын IэнатIэр щызэтезыухуахэм ящыщ, СССР-м автомобиль транспортымрэ шоссе гъуэгухэмкIэ и министру щыта Лихачёв Иван.
1914 гъэм къалъхуащ КПСС-м и ЦК-м и секретарь нэхъыщхьэу, СССР-м и Совет Нэхъыщхьэм и Президиумым и УнафэщIу щыта Андропов Юрий.
1929 гъэм къалъхуащ шэрджэс тхакIуэ Туаршы Аслъэн.
1930 гъэм къалъхуащ Дагъыстэн Республикэм и унафэщIу щыта Магомедов Магомедали.
1936 гъэм къалъхуащ совет актёр, РСФСР-м и цIыхубэ артист Державин Михаил.
1943 гъэм къалъхуащ КъБР-м щIыхь зиIэ и артист Пщыгъуэш Юрий.
1953 гъэм къалъхуащ Китайм и унафэщI Цзинпинь Си.
1956 гъэм къалъхуащ НТВ телекомпанием и къызэгъэпэщакIуэхэм ящыщ, абы и унафэщIу илъэс зыбжанэкIэ лэжьа, цIыхухэм гунэс ящыхъу нэтын куэд езыгъэкIуэкIыу щыта журналист цIэрыIуэ Киселёв Евгений.
1977 гъэм къалъхуащ урысей актрисэ цIэрыIуэ, УФ-м щIыхь зиIэ и артисткэ Ковальчук Аннэ.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 2I – 22-рэ, жэщым градус I5 - I6 щыхъунущ.
Лъэпкъ Iущыгъэ:
Къуаншэу ущысми, захуэу псалъэ.