НОБЭ

Зоопаркхэм щаIыгъ пылхэр хъумэным и дунейпсо махуэщ
Зи псэупIэр IэмалыншагъэкIэ зыхъуэжын хуей хъуахэм я дунейпсо махуэщ
Узбекистаным и щхьэхуитыныгъэм и махуэщ. 1990 гъэм къащтащ я къэрал суверенитетым теухуа декларацэр.
Аргентинэм и лъэпкъ ныпым и махуэщ
Азербайджаным газым пыщIа и IуэхущIапIэхэм я лэжьакIуэхэм я махуэр щагъэлъапIэ
1933 гъэм СССР-м и прокуратурэ нэхъыщхьэр къызэрагъэпэщащ.
1937 гъэм Чкалов Валерий, Байдуков Георгий, Беляков Александр сымэ зэрыс АНТ-25 кхъухьлъатэр, Ищхъэрэ полюсыр зэпиупщIри, США-м щыщ Сан-Джасинтэ къалэм щетIысэхащ. Километр 10148-рэ хъу гъуэгуанэр абыхэм зэпачат сыхьэт 63-м щIигъукIэ.
1945 гъэм Берлин кърахыжри, Москва къахьыжащ ТекIуэныгъэм и Бэракъыр.
1957 гъэм Москва Союзхэм я Унэм и Колоннэ залышхуэм къыщызэIуахащ Къэбэрдей-Балъкъэр АССР-м гъуазджэмрэ литературэмкIэ и гъэлъэгъуэныгъэр.
1991 гъэм Германием и парламентымрэ правительствэм хэтхэмрэ унафэ къащтащ къэралым и щыхьэру Берлин къалэр (Бонн и пIэкIэ) къэлъытэным теухуауэ.
1991 гъэм Латвиер техьэжащ 1922 гъэм къащтауэ щыта конституцэм.
1927 гъэм къалъхуащ совет режиссёр-мультипликатор цIэрыIуэ, Урысей Федерацэм и цIыхубэ артист, СССР-м и Къэрал саугъэтым и лауреат Котёночкин Вячеслав. Абы игъэува мультфильм гъэщIэгъуэн куэдыкIейм я нэхъ цIэрыIуэ хъуар «Ну, погоди!» жыхуиIэращ.
1920 гъэм къалъхуащ шэрджэс тхакIуэ Кхъуэхъу Цуцэ.
1932 гъэм къалъхуащ совет усакIуэ, зэдзэкIакIуэ, СССР-м и Къэрал саугъэтым и лауреат Рождественский Роберт.
1937 гъэм къалъхуащ биологие щIэныгъэхэм я доктор, МКъУ-м и профессор, жылагъуэ лэжьакIуэ, УФ-м щIыхь зиIэ и журналист, УФ-м и Правительствэм и саугъэтыр зыхуагъэфэща Дроздов Николай.
1938 гъэм къалъхуащ Социалист Лэжьыгъэм и ЛIыхъужь Кхъуэтепыхьэ Мухьэмэд.
1940 гъэм къалъхуащ совет актёр, Урысейм и цIыхубэ артист Коренев Владимир.
1967 гъэм къалъхуащ Австралием щыщ актрисэ цIэрыIуэ, «Оскар», «Золотой глобус» (щэнейрэ), нэгъуэщI саугъэт куэди зыхуагъэфэща Кидман Николь.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 – 27-рэ, жэщым градус I6 - I8 щыхъунущ.
Лъэпкъ Iущыгъэ:
Щыгъын хьэху нэхърэ - щыгъын фаджэ.