Адыгэ Республикэм и къэрал суверенитетым теухуа Декларацэр къыщащта махуэщ
Украинэм и Конституцэм и махуэщ. 1996 гъэм Украинэм и Радэ Нэхъыщхьэм зы жэщым къриубыдэу къищтауэ щытащ къэралым и КонституцэщIэр.
Къэзахъстаным щагъэлъапIэ связымрэ хъыбарегъащIэ IэнатIэхэмрэ я лэжьакIуэхэм я махуэр
1779 гъэм пащтыхь гуащэ Екатеринэ ЕтIуанэм къыдигъэкIащ Москва псы зэрыкIуэ бжьамийхэр щыукъуэдииным теухуа унафэ. А лэжьыгъэр илъэс 25-кIэ екIуэкIащ.
1912 гъэм Урысейм къыщызэрагъэпэщыжащ зэзыгъэкIуж судыщIэхэм я къулыкъухэр. А IуэхущIапIэр I889 гъэм зэхуащIыжауэ щытат.
1919 гъэм Франджым щыIэ Версаль уардэунэм Iэ щытрадзащ Япэ дунейпсо зауэр зэриухам щыхьэт техъуэ дэфтэр нэхъыщхьэм - мамырыгъэ зэгурыIуэныгъэм.
1919 гъэм Лъэпкъхэм я Лигэ къызэрагъэпэщащ.
1933 гъэм Москва щыщIадзащ абы цыджанхэр дэгъэIэпхъукIыным пыщIа Iуэхум. Апхуэдэ щIыкIэкIэ, къалащхьэм дашауэ щытащ а лъэпкъым щыщ цIыху 5470-рэ.
1941 гъэм нэмыцэ-фашистыдзэхэм Белоруссием и къалащхьэ Минск яубыдащ. Ар бийм иIыгъащ 1944 гъэм бадзэуэгъуэм и 3 пщIондэ.
1944 гъэм фашистхэм къыIэщIагъэкIыжащ Петрозаводск къалэр - а зэманым Карело-Фин ССР-ру щытам и щыхьэрыр.
1946 гъэм Горький къалэм дэт заводым къыщыщIагъэкIыу щIадзащ ГАЗ М-20 «Победа» автомобиль псынщIэр.
1948 гъэм Архитекторхэм я дунейпсо зэгухьэныгъэр къызэрагъэпэщащ.
1991 гъэм Будапешт щекIуэкIа зэIущIэм къыщащта унафэм ипкъ иткIэ зэбграутIыпщыкIыжащ Экономикэм щызэдэлэжьэнымкIэ советыр (СЭВ), I949 гъэм къыщыщIэдзауэ лэжьар.
1798 гъэм къалъхуащ 1829 гъэм Iуащхьэмахуэ япэ дыдэу дэкIа адыгэлI Хьэшыр Чылар.
1894 гъэм къалъхуащ совет кинорежиссёр, актёр, Урысейм и цIыхубэ артист Роом Абрам.
1944 гъэм къалъхуащ тхакIуэ, щIэныгъэлI, генеалогиемкIэ дунейпсо академиеми (Париж) ЩIДАА-ми я член-корреспондент Махъсидэ Анатолэ.
1948 гъэм къалъхуащ тхакIуэ, журналист, режиссёр УФ-м и Къэрал саугъэтыр зыхуагъэфэща Бодров Сергей.
1949 гъэм къалъхуащ урысей актёр, режиссёр, усакIуэ, жылагъуэ лэжьакIуэ, УФ-м и цIыхубэ артист Панкратов-Черный Александр.
1955 гъэм къалъхуащ спортсмен цIэрыIуэ, лыжэкIэ къызэдэжэнымкIэ плIэнейрэ олимп чемпион хъуа, гъэсакIуэ Зимятов Николай.
1985 гъэм къалъхуащ урысей спортсменкэ, жылагъуэ лэжьакIуэ, художественнэ гимнастикэ спорт лIэужьыгъуэм щIыхь зиIэ и мастер, дунейпсо зэпеуэ куэдым щытекIуа Утяшевэ Ляйсан.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 21 – 23-рэ, жэщым градус 19 - 21-рэ щыхъунущ.
Лъэпкъ Iущыгъэ:
Бэлэрыгъ и Iыхьэр хьэм фIешх.
