Нобэ

Астероидым и дунейпсо махуэщ
Парламентаризмэм и дунейпсо махуэщ
УФ-м ЮстицэмкIэ и министерствэм и уголовнэ-гъэзэщIакIуэ IуэхущIапIэхэм я хъумакIуэ IэнатIэм и лэжьакIуэм и махуэщ
Белоруссием щагъэлъапIэ экономистым и махуэр
1845 гъэм урысей пащтыхь Николай Езанэм унафэ къыдигъэкIащ Новороссийск кхъухь тедзапIэ щыщIыным теухуауэ.
1868 гъэм Самарканд Урысей империем хагъэхьащ.
1894 гъэм къызэIуахащ Лондон и Тауэр-бридж лъэмыж цIэрыIуэр.
1894 гъэм Кореер Китайм къыгуэкIри, къэрал щхьэхуит хъуащ.
1908 гъэм Тунгус метеоритыр ЩIым къытехуауэ къагъуэтащ.
1908 гъэм Бахъсэн, Дзэлыкъуэ мэкъумэшыщIэхэм зыкъаIэтащ.
1920 гъэм Союзпсо тхылъ палатэр къызэрагъэпэщащ. Иджыпсту ар Урысей тхылъ палатэрщ.
1936 гъэм къыдэкIащ США-м щыщ тхакIуэ Митчелл Маргарет и „Унесённые ветром“ романыр. Ар дунейм щынэхъ цIэрыIуэ дыдэхэм хабжэ тхыгъэ хъуащ, къэрал куэдым къыщыдагъэкIащ, бзэ 37-кIэ зэрадзэкIри. А романым папщIэ Митчелл хуагъэфэщащ Пулитцер и цIэр зезыхьэ саугъэтыр. 1939 гъэм а тхылъым режиссёр Флеминг Виктор къытрищIыкIа фильмым „Оскар“ саугъэту 8 къихьащ. 
1944 гъэм СССР-м медицинэ щIэныгъэхэмкIэ и академиер къызэрагъэпэщащ. I992 гъэм ар Урысейм медицинэ щIэныгъэхэмкIэ и академиеу зэрахъуэкIащ.
1945 гъэм СССР-м къыщыдахыжащ IэнатIэ пэрыт цIыхум илъэсым къриубыдэу зы мазэкIэ зигъэпсэхуну зэрыхуитым теухуа хабзэр.
1945 гъэм СССР-м и Совет Нэхъыщхьэм и Президиумым унафэ къищтащ РСФСР-м хыхьэ Кърым АССР-р Кърым область зэращIым теухуауэ. I954 гъэм мазаем и I9-м къэралым и Совет Нэхъыщхьэм унафэ ищIащ Кърым областыр Украинэ ССР-м етыным теухуауэ. Иджы ар УФ-м хыхьэ Кърым Республикэщ.
1971 гъэм хьэршым къыщикIыжым хэкIуэдащ „Союз-II“ кхъухьым иса космонавтхэу Добровольский Георгий, Волков Владислав, Пацаев Виктор сымэ.
1992 гъэм Украинэмрэ Кърым автономнэ республикэмрэ я къэрал органхэм я полномочиехэр гуэшыным теухуа унафэ къащтащ.
1891 гъэм къалъхуащ шыхъуэ цIэрыIуэ, Социалист Лэжьыгъэм и ЛIыхъужь Щоджэн ТIэлашэ.
1932 гъэм къалъхуащ совет дирижё цIэрыIуэр, СССР-м и цIыхубэ артист Некрасов Николай.
1934 гъэм къалъхуащ совет актрисэ, Урысейм щIыхь зиIэ и артисткэ Ульяновэ Иннэ.
1945 гъэм къалъхуащ Канадэм щыщ профессор, адыгэбзэр джыным хэлъхьэныгъэшхуэ хуэзыщIа, нарт эпосым тетыхьа Коларуссо Джон.
1954 гъэм къалъхуащ Аруан муниципальнэ щIыналъэм къыщыдэкI „Маяк“ жылагъуэ-политикэ газетым и редактор нэхъыщхьэ, КъБР-м щIыхь зиIэ и журналист КIасэ Валерэ.
1966 гъэм къалъхуащ США-м щыщ боксёр цIэрыIуэ, дуней псом и абсолютнэ чемпион Тайсон Майк.
1973 гъэм къалъхуащ урысей тележурналист, ВГТРК-м и генеральнэ директорым и япэ къуэдзэ Кондрашов Андрей.
1985 гъэм къалъхуащ Олимп джэгухэм псым есынымкIэ 23-рэ щытекIуа, 26-рэ дунейпсо чемпион хъуа Фелпс Майкл. США-м щыщ а спортсменым олимп медалу къихьам хуэдиз зиIэ дунейм нэгъуэщI теткъым.
Дунейм и щытыкIэнур
„pogoda.yandex.ru“ сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 23 - 24-рэ, жэщым градус I7 - I8 щыхъунущ.
Лъэпкъ Iущыгъэ:
Дыгъужьрэ пэт и гъунэгъу едыгъуэжыркъым.