Дунейм щыхъыбархэрУФ-м СледствиемкIэ и органхэм я лэжьакIуэм и махуэщ Урсыейм псым къулыкъу щезыгъэкI и полицэм и махуэщ Белоруссием и мафIэсгъэункIыфI IуэхущIапIэхэм я лэжьакIуэхэм я махуэщ 1472 гъэм шэрджэс кхъухь 24-рэ тенджыз ФIыцIэм зэпрыкIри, Тыркум теуауэ щытащ. 1567 гъэм Венесуэлэм и къалащхьэ Каракас и лъабжьэр ягъэтIылъащ. 1942 гъэм щIидзащ Кавказым папщIэ екIуэкIа зауэм. Советыдзэхэмрэ нэмыцэхэмрэ абы папщIэ зэпэщIэтащ I942 гъэм бадзэуэгъуэм и 25 щегъэжьауэ 1943 гъэм жэпуэгъуэм и 9 пщIондэ. 1943 гъэм Прохладнэ – Налшык гъущI гъуэгур зэфIэгъэувэжыныр зэфIэкIащ. 1947 гъэм Чехием и къалащхьэ Прагэ къыщызэIуахащ щIалэгъуалэмрэ студентхэмрэ я 1 дунейпсо фестивалыр. 1984 гъэм дунейм щыяпэу цIыхубз-космонавтыр хьэршым хыхьащ. Ар зыхузэфIэкIар совет космонавт Савицкая Светланэщ. «Салют-7» кхъухьым икIри, ар хьэрш зэIухам хыхьащ. 1992 гъэм Барселонэ (Испание) къыщызэIуахащ XXV гъэмахуэ Олимп джэгухэр. Ахэр екIуэкIащ бадзэуэгъуэм и 25 – шыщхьэуIум и 9-хэм. 1886 гъэм къалъхуащ Иорданием щыщ къэрал, жылагъуэ лэжьакIуэ, юстицэмкIэ министру, депутату, Адыгэ Хасэм и тхьэмадэу щыта Хьикмэт (МафIэдз) Умар. 1917 гъэм къалъхуащ КъШР-м и цIыхубэ тхакIуэ Ахъмэт Мухьэдин. 1929 гъэм къалъхуащ тхакIуэ, кинорежиссёр, актёр цIэрыIуэ, РСФСР-м гъуазджэмкIэ щIыхь зиIэ и лэжьакIуэ, Лениным и цIэр зезыхьэ саугъэтыр, СССР-м и Къэрал саугъэтыр зрата Шукшин Василий. 1936 гъэм къалъхуащ филологие щIэныгъэхэм я доктор, ЩIДАА-м и академикыу щыта, Адыгейм щIэныгъэмкIэ щIыхь зиIэ и лэжьакIуэ Хъут Шэмсэдин. 1944 гъэм къалъхуащ публицист, КъБР-м и Жылагъуэ палатэм и унафэщIым и къуэдзэ, УФ-м, КъБР-м, КъШР-м щэнхабзэмкIэ щIыхь зиIэ я лэжьакIуэ Аттаев Жэмал. 1948 гъэм къалъхуащ АР-м и къэрал лэжьакIуэ, журналист, политикэ щIэныгъэхэм я доктор КIэрашэ Аслъэнбэч. 1949 гъэм къалъхуащ географие щIэныгъэхэм я доктор, СССР-м и Къэрал саугъэтыр зыхуагъэфэща Болэ Владислав. 1972 гъэм къалъхуащ АР-м щIыхь зиIэ и журналист, «Шапсугия» газетым и редактор нэхъыщхьэ Ныбэ Анзор. 1983 гъэм къалъхуащ боксёр, Олимп джэгухэм жэз медаль къыщызыхьа, Урысейм бокс спорт лIэужьыгъуэмкIэ щIыхь зиIэ и мастер Хърачэ Мурат. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 22 – 23-рэ, жэщым градус 16 – 17 щыхъунущ. Лъэпкъ Iущыгъэ: Шым еуи дыхьэ, елъэдэкъауи къыдэкIыж.
Поделиться:
Читать также:
03.05.2024 - 09:08 →
НОБЭ
02.05.2024 - 12:21 →
НОБЭ
27.04.2024 - 09:56 →
НОБЭ
25.04.2024 - 09:00 →
НОБЭ
24.04.2024 - 13:21 →
ЩIым и махуэ
|