Эсперантэ бзэм и дунейпсо махуэщ. I887 гъэм Варшавэ (Польшэ) урысыбзэкIэ къыщыдэкIащ эсперантэ бзэр зэрырагъэджыну япэ учебникыр.
Урысейм щагъэлъапIэ парашютистым и махуэр
1770 гъэм, Урыс-Тырку зауэм и зэманым, генерал Репнин Николай зи пашэ дзэм Измаил быдапIэр къащтащ.
1805 гъэм Везувий вулканыр къибыргъукIри, Неаполь къалэм и зэхуэдитIым нэхърэ нэхъыбэр зэтрикъутащ. А гузэвэгъуэм цIыху мин 26-м нэблагъэ хэкIуэдауэ щытащ.
1946 гъэм Москва къыщызэIуахащ СССР-м ФинансхэмкIэ и министерствэм и Гознак управленэм и типографиер. Иджыпсту ар УФ-м ФинансхэмкIэ и министерствэм и Гознакым и типографиерщ, урысей ахъшэхэр щытрадзэрщ.
1953 гъэм Кубэм цIыхухэр къыщызэрыIэтащ, Батистэ Фульхенсио къэралым щызэрихьэ залымыгъэхэр ямыдэу. Лъэпкъ зэщIэхъееныгъэм и пашэр уэчыл щIалэ Кастрэ Фидельт. ТекIуэныгъэр къахьа иужькIэ ар Кубэм и унафэщIу щытащ илъэс 30-м щIигъукIэ.
1957 гъэм СССР-м дунейм щыяпэу гъуэгуанэ кIыхь зэпызычыф баллистическэ ракетэр иутIыпщащ.
1963 гъэм Горький къалэм дэт автозаводым щызэпкъралъхьащ хьэлъэзешэ автомобиль лIэужьыгъуэщIэр - «ГАЗ-53»-р.
1963 гъэм Югославием и къалэ Скопье щIыр щыхъейри, ухуэныгъэ куэд зэтрикъутащ, цIыху миным щIигъуи хэкIуэдащ.
1971 гъэм СССР-м и кинотеатрхэм гъэлъэгъуэн щыщIадзащ «Офицерхэр» фильмыр. Совет кинематографым и ехъулIэныгъэшхуэу, абы и дыщэ гъэтIылъыгъэхэм ящыщу иужькIэ къалъыта фильмым цIыху мелуан 53-рэ еплъащ. Абы ди зэманми мыхьэнэшхуэ зэриIэм и щыхьэту, кином хэт лIыхъужь нэхъыщхьэхэм 20I3 гъэм Москва фэеплъ щыхуагъэувауэ щытащ.
1993 гъэм Урысейм пщIэ щамыIэж хъуащ СССР-м къыщыдагъэкIа ахъшэхэм. I96I – I992 гъэхэм зекIуа совет ахъшэхэм я пIэ къиуващ урысей сомыр.
1856 гъэм къалъхуащ инджылыз тхакIуэ, драматург, Нобель и саугъэтыр зрата Шоу Бернард.
1936 гъэм къалъхуащ тхакIуэ, тхыдэдж-архивист, КъБР-м щэнхабзэмкIэ щIыхь зиIэ и лэжьакIуэ Опрышкэ Олег.
1946 гъэм къалъхуащ КъБР-м и цIыхубэ усакIуэ, КъБР-м щэнхабзэмкIэ щIыхь зиIэ и лэжьакIуэ Бицу Анатолэ.
1954 гъэм къалъхуащ къэрал лэжьакIуэ, КъШР-м и Правительствэм и УнафэщIу щыта Къардэн Алик.
1962 гъэм къалъхуащ урысей къэрал къулыкъущIэ, УФ-м и Президентым и Администрацэм и УнафэщIым и япэ къуэдзэ, Урысейм и ЛIыхъужь Кириенкэ Сергей.
1964 гъэм къалъхуащ США-м щыщ актрисэ цIэрыIуэ, «Оскар» саугъэтыр зыхуагъэфэща Баллок Сандрэ.
1970 гъэм къалъхуащ КъБР-м щIыхь зиIэ и артист Iэщын Руслан.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 24 – 25-рэ, жэщым градус I6 – I7 щыхъунущ.
Лъэпкъ Iущыгъэ:
ЛIым и лIыгъэр лэгъунэм щиIуатэркъым.
