Дунейм щыхъыбархэр

Нобэ

Вьетнамым щагъэлъапIэ къэралым и щхьэхуитыныгъэм щIэбэнурэ хэкIуэдахэм я фэеплъ махуэр

Финляндием махуэ гъэщIэгъуэн - жейнэдым и махуэ - щагъэлъапIэ.

1147 гъэм Москва къалэм и лъабжьэр ягъэтIылъащ.

1694 гъэм дунейм щыяпэу Инджылызым къыщызэIуахащ и банк нэхъыщхьэр. ЦIыху 1268-м я мылъку халъхьат Шотландием щыщ хьэрычэтыщIэ Патерсон Уильям и банкым.

1841 гъэм Пятигорск пэмыжыжьэу Мэшыкъуэ бгы лъапэм и деж щаукIащ урыс усакIуэ, тхакIуэ щэджащэ Лермонтов Михаил.

1922 гъэм Адыгей автономнэ областыр къызэрагъэпэщащ.

1921 гъэм Канадэм щыщ физиолог Бантинг Фредерик хэIущIыIу ищIащ инсулин хущхъуэгъуэр зэрызэхилъхьар.

1941 гъэм Симонов Константин Москва щитхащ «Жди меня» зыфIища усэр. Зауэ зэманым ятхахэм я нэхъ цIэрыIуэ дыдэ хъуахэм ящыщщ а усэр.

1944 гъэм советыдзэхэм хуит къащIыжащ Львов къалэр.

1952 гъэм Индыл-Тэн кIэнауэр къызэIуахащ.

1981 гъэм Къэбэрдей-Балъкъэр къэрал мэкъумэш академиер къызэIуахащ. Иджы ар Къэбэрдей-Балъкъэр къэрал мэкъумэш университетщ.

1985 гъэм Москва къыщызэIуахащ ЩIалэгъуалэмрэ студентхэмрэ я ХII дунейпсо фестивалыр. Ар шыщхьэуIум и 3 пщIондэ екIуэкIащ.

1990 гъэм Белорусскэ ССР-м и Совет Нэхъыщхьэм унафэ къищтащ я къэрал суверенитетым теухуауэ.

I99I гъэм Къэбэрдей-Балъкъэрым щагъэуващ президент къулыкъур.

20I2 гъэм Инджылызым и къалащхьэ Лондон къыщызэIуахащ ХХХ гъэмахуэ Олимп джэгухэр. Ахэр екIуэкIащ бадзэуэгъуэм и 27 – шыщхьэуIум и 12-хэм.

1904 гъэм къалъхуащ совет шахматисткэ, дунейпсо чемпионкэ, СССР-м спортымкIэ щIыхь зиIэ и мастер Руденкэ Людмилэ.

1924 гъэм къалъхуащ адыгэ усакIуэ, драматург Чуякъуэ Джэфар.

1928 гъэм къалъхуащ Социалист Лэжьыгъэм и ЛIыхъужь Iэбубэчыр Нажмудин.

1936 гъэм къалъхуащ медицинэ щIэныгъэхэм я доктор, КъБКъУ-м и профессор Щомахуэ Алексей.

1940 гъэм къалъхуащ Адыгэ Республикэм и цIыхубэ тхакIуэ, УФ-м щэнхабзэмкIэ щIыхь зиIэ и лэжьакIуэ Чуякъуэ Инус.

1947 гъэм къалъхуащ КъБР-м щIыхь зиIэ и артисткэ КIэнэтI Лидие.

1952 гъэм къалъхуащ адыгэ тхакIуэ, филологие щIэныгъэхэм я доктор, щIэныгъэлI, Адыгэ Республикэм щIыхь зиIэ и журналист Къуиикъуэ Асфар.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 20 - 21-рэ, жэщым градус 17 - 18 щыхъунущ.

Лъэпкъ Iущыгъэ:

Пагэм и блыпкъ-блащхьэ къутэгъуафIэщ.