Дунейм щыхъыбархэрНобэ ♦Зи закъуэу псэу лэжьакIуэ цIыхубзхэм я дунейпсо махуэщ ♦Китайм щагъэлъапIэ зэгуэкIуахэм я махуэр ♦1774 гъэм урыс-тырку зауэм уIэгъэ хьэлъэ щыхъуащ Кутузов Михаил. И щхьэм игъуэта уIэгъэм и зэранкIэ и нэ ижьыр фIэкIуэдами, абы иджыри илъэс куэдкIэ къулыкъу щищIащ дзэм. Франджыхэр Урысейм къыщытеуам пащтыхь Александр Езанэм Кутузовыр дзэм и командующэ нэхъыщхьэу игъэуври, абы и унафэм щIэтущ I8I2 гъэм текIуэныгъэ цIэрыIуэр къызэрахьауэ щытари. ♦1777 гъэм Лондон дунейм щыяпэу цирк къыщызэIуахащ. ♦1836 гъэм Москва и Кремлым и пщIантIэм щагъэуващ Пащтыхь-Тхьэгъуш жыхуаIэр. Щагъэжа щIыпIэм деж илъэсищэм нэблагъэкIэ щылъащ ар, тонн щитIым нэблагъэ и хьэлъагъти, къахуэмыгъэхъейуэ. Архитектор Монферран Огюст ар къэпIэту бгъэIэпхъуэ зэрыхъуну Iэмалыр къигупсысри, шыщхьэуIум и 4-м тхьэгъушыр трагъэувауэ щытащ абы хуагъэхьэзыра лъагапIэм. ♦1888 гъэм Томск къалэм университет къыщызэIуахащ. ♦1892 гъэм Ульянов Владимир (Ленин) хеящIэ лэжьыгъэ иригъэкIуэкIыну хуит ящIащ. ♦1902 гъэм къызэIуахащ Темзэ псы щIагъым щаукъуэдия лъэс зекIуапIэр. Абы зэпищIат Лондон и хьэблитI. ♦1901 гъэм къалъхуащ джаз музыкант, композитор цIэрыIуэ Армстронг Луи. ♦1905 гъэм къалъхуащ совет композитор, дзэ оркестрымрэ хорымрэ я дирижёру щыта, Социалист Лэжьыгъэм и ЛIыхъужь, СССР-м и цIыхубэ артист, Лениным, Сталиным я щIыхькIэ щыIа саугъэтхэр зрата, генерал-майор Александров Борис. ♦1905 гъэм къалъхуащ щIэныгъэлI, абхъаз-адыгэ бзэ гупыр джыным хэлъхьэныгъэшхуэ хуэзыщIа, филологие щIэныгъэхэмкIэ доктор, профессор, Куржымрэ Къэбэрдей-Балъкъэрымрэ щIэныгъэмкIэ щIыхь зиIэ я лэжьакIуэ Рогавэ Георгий. ♦1914 гъэм къалъхуащ уэрэджыIакIуэ, КъБР-м щIыхь зиIэ и артист Шыкъ Михаил. ♦1946 гъэм къалъхуащ урысей къэрал къулыкъущIэ, Дагъыстэн Республикэм и Iэтащхьэу щыта, философие щIэныгъэхэмкIэ доктор Абдулатипов Рэмэзан. ♦1959 гъэм къалъхуащ биологие щIэныгъэхэмкIэ доктор, АКъУ-м и профессор IэкIатэ Валерэ. ♦1961 гъэм къалъхуащ США-м и 44-нэ президенту щыта, Нобель и саугъэтым и лауреат Обамэ Барак. ♦1966 гъэм къалъхуащ кхъухьлъатэзехуэ, Урысей Федерацэм и ЛIыхъужь Цей Эдуард. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 26 - 27-рэ, жэщым градус 18 - 19 щыхъунущ. Лъэпкъ Iущыгъэ: Гъуэгужьрэ фызыжьрэ умыбгынэ.
Поделиться:
Читать также:
23.04.2024 - 09:45 →
НОБЭ
22.04.2024 - 15:50 →
НОБЭ
19.04.2024 - 16:23 →
НОБЭ
19.04.2024 - 15:55 →
Ажэгъуэмэ - уэсхэкIыкI - уэсчэсей
18.04.2024 - 16:13 →
НОБЭ
|