НОБЭ

11 августа, 2022 - 13:37

Тыркумэным и гъунапкъэхъумэм и махуэщ
Японием щагъэлъапIэ къуршхэм я махуэр
I845 гъэм Урысейм щыяпэу Петербург щащIащ бахъэкIэ лажьэ мафIэгур. Ар трагъэувауэ щытащ Петербургрэ Москварэ зэпызыщIэ гъущI гъуэгум.
I92I гъэм къыдэкIащ Совнаркомым и унафэр, экономикэ политикэщIэр цIыхубэ хозяйствэм хэпщэным теухуауэ щытар. 
I928 гъэм Москва къыщызэIуахащ Япэ союзпсо спартакиадэр.
I957 гъэм Москва щызэхуащIыжащ щIалэгъуалэмрэ студентхэмрэ я VI дунейпсо фестивалыр. Ди лъэпкъэгъухэу хэкум исхэмрэ хамэ къэралхэр IэмалыншагъэкIэ псэупIэ зыхуэхъуахэмрэ я лIыкIуэхэу а зэхуэсышхуэм хэтахэр абы щызэрыгъуэтыжауэ щытащ. 
I959 гъэм Москва къыщызэIуахащ «Шереметьево» аэропортыр. Абы япэу къыщетIысэхащ Ленинград къилъэтыкIа Ту-I04 кхъухьлъатэр.
I973 гъэм СССР-м телевиденэ нэхъыщхьэм игъэлъэгъуэн щIидзащ серие куэд хъу «Семнадцать мгновений весны» фильмыр. Семёнов Юлиан и повестыр и лъабжьэу ар игъэуват Лиозновэ Татьянэ.
I979 гъэм Днепродзержинск къалэм пэмыжыжьэу уэгум щызэжьэхэуащ Ту-I34 кхъухьлъатитI. Абыхэм иса цIыхуи I78-р иукIащ, Ташкент къалэм и «Пахтакор» командэм щыщ футболист I7-ри абыхэм яхэту.
I934 гъэм къалъхуащ КъБР-м и цIыхубэ артист, УФ-м щIыхь зиIэ и артист Къаздэхъу СулътIан.
I943 гъэм къалъхуащ Пакистаным и президенту щыта Мушарраф Первез.
I945 гъэм къалъхуащ медицинэ щIэныгъэхэмкIэ доктор, КъБКъУ-м и профессор, РАЕН-м и член-корреспондент, КъБР-м щIэныгъэхэмкIэ щIыхь зиIэ и лэжьакIуэ Елгъэр Анатолэ.
I966 гъэм къалъхуащ экономикэ щIэныгъэхэмкIэ доктор, КъБКъМУ-м и профессор ДзыхьмыщI Иринэ.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 – 27-рэ, жэщым градус I9 – 20 щыхъунущ.

Лъэпкъ Iущыгъэ:
ХьэщIапIэ ущыIэмэ, къыпхуащI уи унафэщ.
 

 

Зыгъэхьэзырар ЖЬЭКIЭМЫХЪУ Маринэщ.
  • 7 просмотров
Поделиться:

Читать также:

25.04.2024 - 09:00 → НОБЭ
24.04.2024 - 13:21 → ЩIым и махуэ
24.04.2024 - 11:43 → НОБЭ
23.04.2024 - 09:45 → НОБЭ
22.04.2024 - 15:50 → НОБЭ