Дзыгъуэнэфым и дунейпсо махуэщ
Бразилием щагъэлъапIэ сэлэтым и махуэр
1609 гъэм Италием щыщ физик, астроном Галилей Галилео цIыхухэм яригъэлъэгъуащ и IэмэпсымэщIэр – телескопыр.
1919 гъэм дунейм щыяпэу Лондон – Париж гъуэгуанэм кхъухьлъатэхэр трагъэуващ икIи пIалъэ пыухыкIам тету рейсхэр ягъэзащIэу щIадзащ.
1944 гъэм Берлин и Плётцензее гъэрэщым щаукIащ фашизмэм и бий гупым щыщхэр. Абыхэм яхэтащ тэтэр усакIуэ, иужькIэ «Совет Союзым и ЛIыхъужь» цIэр зыфIащыжа Джалиль Муса.
1944 гъэм Франджым и къалащхьэ Париж нэмыцэ зэрыпхъуакIуэхэм къыIэщIагъэкIыжащ.
1949 гъэм Москва къыщызэIуахащ мамырыгъэм и телъхьэхэм я япэ Союзпсо конференцыр.
1960 гъэм Италием и къалащхьэ Рим къыщызэIуахащ ХУII гъэмахуэ Олимп джэгухэр. Ахэр фокIадэм и II пщIондэ екIуэкIащ.
1973 гъэм томограф Iэмэпсымэр япэу къагъэсэбэпащ.
1990 гъэм Абхъазым и Совет Нэхъыщхьэм хэIущIыIу ищIащ я щIыналъэр Куржым и унафэм зэрыщIэмытыжыр.
1991 гъэм Белоруссиер къэрал щхьэхуэ зэрыхъуам теухуа унафэ къащтащ.
1997 гъэм УФ-м и Президент Ельцин Борис Iэ щIидзащ «Культура» урысейпсо къэрал телеканалыр къызэгъэпэщыным теухуа унафэм.
1530 гъэм къалъхуащ Рюриковичхэ ящыщ япэ урыс пащтыхь, адыгэ малъхъэ Иван IV Грознэр.
1930 гъэм къалъхуащ совет кинорежиссёр, актёр, СССР-м и цIыхубэ артист Данелие Георгий.
1930 гъэм къалъхуащ инджылыз, америкэ киноактёр, продюсер, «Оскар» саугъэтыр зыхуагъэфэща Коннери Шон.
1942 гъэм къалъхуащ УФ-м и цIыхубэ артисткэ Тереховэ Маргаритэ.
1944 гъэм къалъхуащ кинорежиссёр, сценарийхэр зытхыу, продюсеру щыта, УФ-м и цIыхубэ артист Соловьёв Сергей.
1960 гъэм къалъхуащ нейрохирург, медицинэ щIэныгъэхэмкIэ доктор, КъБР-м щIэныгъэмкIэ щIыхь зиIэ и лэжьакIуэ Семэн Жаннэ.
1966 гъэм къалъхуащ публицист, КъБР-м щIыхь зиIэ и журналист, «Къэбэрдей-Балъкъэр» ГТРК-м и унафэщI Къэзанш Людмилэ.
1970 гъэм къалъхуащ нэмыцэ модель, актрисэ, жылагъуэ лэжьакIуэ Шиффер Клаудие.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 26 – 27-рэ, жэщым градус I7 – I8 щыхъунущ.
Лъэпкъ Iущыгъэ:
ДзыхьмыщIыр дзыхьщIыгъуэджэщ.
