Хьэуа къабзэм и дунейпсо махуэщ
Iэщэхэм ещхь зэрыджэгу сабий хьэпшыпхэр гъэкIуэдыжыным и дунейпсо махуэщ
Бразилием и щхьэхуитыныгъэм и махуэщ. 1822 гъэм къащтащ ар Португалием къызэрыхэкIым теухуа унафэр.
1688 гъэм Москва мафIэсышхуэ дыдэ къыщыхъуащ. Абы щIыпIэшхуэ иубыдат икIи члисэ 20-м щIигъурэ унэ лъапсэу миным нэблагъэрэ хисхьат.
1812 гъэм Хэку зауэм щыщ зэпэщIэтыныгъэ нэхъ гуащIэ дыдэр Бородино деж щекIуэкIащ. 19-нэ лIэщIыгъуэм и лъыгъажэ нэхъ ин дыдэхэм ящыщу къалъыта а зауэм хэкIуэдащ урыс сэлэт мин 38-м щIигъурэ франджыхэм ящыщу мин 58-рэ.
1856 гъэм Александр ЕтIуанэр къэралым и император зэрыхъуам теухуа дауэдапщэхэр Москва щекIуэкIащ. 
1859 гъэм генерал Барятинский Александр зи унафэщI дзэ гупым Гуниб жылэм къыщиухъуреихьри, Щамил Iимамым зитын хуей хъуащ.
1923 гъэм Венэ щекIуэкIа дунейпсо конгрессым Интерполыр – уголовнэ полицэм и дунейпсо зэгухьэныгъэр – къыщызэрагъэпэщащ. 
1928 гъэм ГуащIэдэкI Бэракъ Плъыжь орденыр къащтащ.
1945 гъэм Берлин щекIуэкIащ Гитлер и бий коалицэм хэта къэралхэм – СССР-м, США-м, Инджылызым, Франджым – я армэхэм я парад.
1947 гъэм Москва къалэр илъэс 800 зэрырикъур ягъэлъэпIащ.
2011 гъэм Ярославль пэмыжыжьэу къыщехуэхащ Як-42 кхъухьлъатэр. Абы исахэм ящыщу къелар кхъухьлъатэм и радиоинженер Сизов Александр и закъуэщ. ЦIыху 44-р, «Локомотив» хоккей командэри яхэту, хэкIуэдауэ щытащ.
1870 гъэм къалъхуащ урысей тхакIуэ, драматург Куприн Александр.
1902 гъэм къалъхуащ совет уэрэджыIакIуэ, Урысейм и цIыхубэ артисткэ Юрьевэ Изабеллэ.
1960 гъэм къалъхуащ «УрысейщIыдагъэ» къэрал компанием и президент Сечин Игорь.
1984 гъэм къалъхуащ урысей теннисисткэ, дунейпсо зэпеуэ куэдым щытекIуа, Шлемышхуэр тхуэнейрэ къэзыхьа, спортым щIыхь зиIэ и мастер Звонарёвэ Верэ.
 

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 13 - 14, жэщым градус 11 – 12 щыхъунущ.

Лъэпкъ Iущыгъэ:
Дыгъужьым и нэр жейми, и гур жейркъым.