ЕхъулIэныгъэщIэхэр къэфхьыну

Къэбэрдей-Балъкъэр Республикэм и Iэтащхьэ КIуэкIуэ К. В.,
Къэбэрдей-Балъкъэр Республикэм и Парламентым и Iэтащхьэ Егоровэ Т. Б. сымэ я деж

ПщIэ зыхуэсщI Казбек Валерий и къуэ!
ПщIэ зыхуэсщI Татьянэ Борис ипхъу!
Фэри республикэм ис псоми сынывохъуэхъу Къэбэрдей-­Балъкъэр Республикэм и Къэралыгъуэм и махуэмкIэ.
Къэбэрдей-Балъкъэр Рес­пуб­ликэм щIыуэпсым и хъу­гъуэфIыгъуэу зыхуэбгъэдэн щымыIэхэр, тхыдэ-щэнхабзэ щIэин хьэлэмэтхэр и куэдщ. ЦIыхум и узыншагъэр хъу­мэнымкIэ зэфIэкIышхуэ зэ­ри­Iэм, дунейпсо мардэ лъагэ­хэм къезэгъ инфраструктурэр зэ­рыщызэтеувам къы­хэкIыу республикэм и IэнатIэ нэхъы­щхьэхэм ящыщ туризмэр хъуфынущ. Къэбэрдей-Балъ­къэ­рым и цIыхухэм хьэщIагъэрэ гуапагъэрэ яхэлъщ икIи абы и фIыгъэкIэ мы бгылъэ ­хэкур хьэщIэ куэдым я еблэгъапIэщ.
Урысей Федерацэм мы и ­субъектым производствэ IэнатIэхэм жыджэру зыщаужь, промышленностымрэ мэкъу­мэш хозяйствэмрэ я IуэхущIапIэ пэрытхэм инновацэ технологиехэр щызэтоувэ, проект инхэр щагъэзащIэ.
Къэбэрдей-Балъкъэр Республикэм и къэрал властым и органхэм гулъытэшхуэ хуащI цIыхухэм я псэукIэр егъэфIэ­кIуэным, социально-экономикэ къалэн нэхъыщхьэхэр дэгъэкIыным, хьэрычэтыщIэхэм я жэрдэмхэр зэрыдаIыгъ Iэмалхэр егъэфIэкIуэным.
Республикэм и цIыхухэр Хэкур гъэбыдэным икIи абы зегъэужьыным дяпэкIи ерыщу зэрытелэжьэнум шэч къытесхьэркъым.
ЕхъулIэныгъэщIэхэр къэф­хьы­ну, мамырыгъэрэ фIыгъуэ­рэ фиIэну сынывохъуэхъу!