НОБЭ

5 октября, 2022 - 06:40
Жэпуэгъуэм и 5, бэрэжьей
 
ЕгъэджакIуэм и дунейпсо махуэщ
ПсэупIэм и дунейпсо махуэщ
УФ-м ЩIэпхъаджащIэхэр къэлъыхъуэным пыщIа и IэнатIэм и лэжьакIуэм и махуэщ
Адыгэ Республикэр къыщызэрагъэпэща махуэщ
1914 гъэм япэу уэгум щызэзэуащ. Абы щызэрихьэлIат франджыхэмрэ нэмыцэхэмрэ я кхъухьлъатэ зырыз.
1917 гъэм Владикавказ, Налшык округхэм я лIыкIуэу Советхэм я II урысейпсо съездым ягъэкIуат Киров Сергей.
1929 гъэм СССР-м щыяпэу Ленинград къыщызэIуахат макъри щIэту фильмхэр щыбгъэлъагъуэ хъуну кинотеатр.
1948 гъэм къызэрагъэпэщащ Дыкъэзыухъуреихь дунейр хъумэным хуэгъэпса зэгухьэныгъэр.
1950 гъэм къалъхуащ генерал-лейтенант, УФ-м и ВВС-м и командующэм и къуэдзэу щыта, техникэ щIэныгъэхэм я кандидат, Урысей Федерацэм дзэ хуэIухуэщIэхэмкIэ щIыхь зиIэ и IэщIагъэлI Быж Айтэч. 
1942 гъэм къалъхуащ Адыгэ Республикэм щыщ совет спортсмен цIэрыIуэ, спортым щIыхь зиIэ и мастер, 1976 гъэм Монреаль (Канадэ) щекIуэкIа Олимп Джэгухэм дзюдомкIэ чемпион щыхъуа Невзоров Владимир.
1957 гъэм къалъхуащ тхыдэ щIэныгъэхэм я доктор, КъБКъУ-м и профессор, КъБР-м и Къэрал саугъэтым и лауреат, ДАХ-м и тхьэмадэу 2006 - 2009 гъэхэм лэжьа, республикэм Гуманитар къэхутэныгъэхэмкIэ и институтым и унафэщI Дзэмыхь Къасболэт.
1961 гъэм къалъхуащ совет волейболисткэ, I980 гъэм Москва щекIуэкIа Олимпиадэм чемпионкэ щыхъуа Ахэмын Еленэ.
 
Дунейм и щытыкIэнур
 
«pogoda.yandex.ru сайтым зэритымкIэ, Налшык уэшх къыщешхынущ.. Хуабэр махуэм градус 17 - 18, жэщым градус 13 - 14 щыхъунущ.
 
Лъэпкъ Iущыгъэ:
Фащэм я нэхъ дахэр укIытэщ.
 
Зыгъэхьэзырар ЩхьэщэмыщI Изэщ.
  • 11 просмотров
Поделиться:

Читать также:

03.05.2024 - 09:08 → НОБЭ
02.05.2024 - 12:21 → НОБЭ
27.04.2024 - 09:56 → НОБЭ
25.04.2024 - 09:00 → НОБЭ
24.04.2024 - 13:21 → ЩIым и махуэ