Тхылъыншэу лажьэхэм я Iуэху зэхагъэкI

Кавказ Ищхъэрэ федеральнэ щIыналъэм тхы­лъыншэу щылажьэхэм я бжыгъэр къэгъэ­нэ­Iуэ­нымрэ хэгъэщIынымрэ теухуа зэIущIэ иригъэкIуэкIащ УФ-м и Президентым и лIыкIуэу КИФЩI-м щыIэ Чайкэ Юрий. ЗэIущIэм хэтащ ­КъБР-м и Iэтащхьэ КIуэкIуэ Казбек. 

ЗэIущIэр къыщызэIуихым, Чайкэ Юрий къы­хигъэщащ хуитыныгъэрэ зэгурыIуэныгъэрэ ямы­-Iэу лэжьапIэ Iутхэм я бжыгъэр гъэбелджылыным­-рэ ахэр хабзэм къезэгъ зэгурыIуэныгъэкIэ лэжьапIэ гъэувынымрэ зэрекIуэкIыр нэIэм щIэгъэувэн зэрыхуейр. 
Къапщтэмэ, зэIущIэм щагъэлъэгъуа къэп­щы­тэныгъэхэм япкъ иткIэ, тхылъыншэу лажьэхэм я бжыгъэр хуэди 2,9-кIэ хэхъуащ 2022 гъэр къызэ­рихьэрэ. 
Чайкэ Юрий зэрыжиIамкIэ, зытепсэ­лъыхьа IуэхумкIэ комиссэм и лэжьыгъэр зыхуэу­нэтIауэ щытынур цIыхухэм я щыIэкIэ-псэукIэр, лэжьэ­нымкIэ я хуитыныгъэхэр къагъэсэбэпыныр егъэ­фIэкIуэнырщ. Абы ­папщIэ гулъытэ нэхъ зыхуэ­щIыпхъэри къы­ха­гъэщхьэхукIащ. 
ВидеозэIущIэм хэтащ УФ-м Лэжьыгъэмрэ со­циаль­нэ дэIэпыкъуныгъэмкIэ и министрым и ­къуэдзэ Мухтияровэ Еленэ, УФ-м и Прокурор нэхъыщ­хьэм и къуэдзэ Кикоть Андрей, щIыналъэ уна­фэщIхэр, жылагъуэ зэгухьэныгъэхэм я лIы­кIуэхэр, нэгъуэщIхэри.