НОБЭ

Экономикэ, социальнэ зыужьыныгъэм елэжь зэгухьэныгъэхэм я дунейпсо махуэщ
1936 гъэм СССР-м и етIуанэ Конституцэр къащтащ. Ар тхыдэм хыхьащ «Сталиным и Конституцэ» цIэр иIэу.
1936 гъэм КъБАО-р КъБАССР хъуащ.
1927 гъэм къалъхуащ тхыдэ щIэныгъэхэмкIэ доктор, КъБКъУ-м и профессор, ЩIДАА-м и академик, УФ-ми КъБР-ми щIэныгъэхэмкIэ щIыхь зиIэ я лэжьакIуэ Къумыкъу Тыгъуэн.
1938 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор, ЩIДАА-м и академик икIи и президент, РАЕН-м и академик, УФ-м, КъБР-м, КъШР-м, АР-м щIэныгъэхэмкIэ щIыхь зиIэ я лэжьакIуэ Нэхущ Iэдэм.
1960 гъэм къалъхуащ «Адыгэ псалъэ» газетым и редактор нэхъыщхьэ, КъБР-м щIыхь зиIэ и журналист Жыласэ Заурбэч .
1992 гъэм къалъхуащ уэрэджыIакIуэ, АР-м, КъБР-м, КъШР-м щIыхь зиIэ я артист Быщтэ Азэмэт.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ щыщытынущ. ЩIыIэр махуэм градуси 3, жэщым градуси 5 щыхъунущ.
Лъэпкъ Iущыгъэ:
Щхъуэ зезыхьэм Iыхьэ щанэр лъосыж.