Мы махуэхэм

ЩIышылэм и 21, щэбэт

♦IэплIэ зэхуэщIыным и дунейпсо махуэщ
♦УФ-м и инженер дзэхэм я махуэщ
♦1918 гъэм Адыгейм Совет властыр щагъэуващ.
♦1985 гъэм Франджым и ЛIыхъужь Хьэгъундокъуэ Елмэсхъан дунейм ехыжащ.
♦1926 гъэм къалъхуащ КъБР-м и цIыхубэ тхакIуэ ХьэхъупащIэ Хьэжбэчыр.
♦1946 гъэм къалъхуащ УФ-м и цIыхубэ егъэджакIуэ, КъБР-м щIэ­ныгъэхэмкIэ щIыхь зиIэ и лэжьакIуэ Мэлбахъуэ Борис.

Дунейм и щытыкIэнур

pogoda.yandex.ru сайтым зэритымкIэ, Налшык уфауэ щыщытынущ. Махуэм хуабэр градус 1 - 3, жэщым градус 0 щыхъунущ.

ЩIышылэм и 22, тхьэмахуэ

♦УФ-м и ПВО-м и кхъухьлъатэ­дзэхэм я махуэщ
♦Нартыху гъэпIэнкIам и махуэщ
♦1517 гъэм мысыр шэрджэс мам­люкхэмрэ тыркудзэмрэ Къаир пэ­мыжыжьэу зэзэуэн щыщIадзащ.
♦1943 гъэм Къэрэшей-Шэрджэс Республикэм и щIыналъэр нэмыцэ зэрыпхъуакIуэхэм къыIэщIагъэкIыжащ.
♦1937 гъэм къалъхуащ КъБКъУ-м и библиотекэм и унафэщIу щыта, ­КъБР-м щэнхабзэмкIэ щIыхь зиIэ и лэжьакIуэ УнащIэ Розэ.

Дунейм и щытыкIэнур

pogoda.yandex.ru сайтым зэритымкIэ, Налшык уфауэ щыщытынущ. Махуэм хуабэр градуси 3, жэщым щIыIэр градуси 2 щыхъунущ.

ЩIышылэм и 23, блыщхьэ

♦IэкIэ тхэным и дунейпсо махуэщ
♦1935 гъэм къалъхуащ тхакIуэ, тхыдэ щIэныгъэхэмкIэ доктор, профессор, КъБР-м и Къэрал саугъэтыр тIэунейрэ зыхуагъэфэща МафIэдз Сэрэбий.
♦1969 гъэм къалъхуащ ДАХ-м и вице-президент, КъБР-м лъэпкъыбзэхэм зегъэужьынымкIэ и лабораторэм и унафэщI Щоджэн Iэминат.

Дунейм и щытыкIэнур

pogoda.yandex.ru сайтым зэритымкIэ, Налшык уфауэ щыщытынущ. Махуэм хуабэр градуси 2 - 3, жэщым щIыIэр градуси 3 щыхъунущ.

Лъэпкъ Iущыгъэ:

Псыр гъужми, жапIэр къонэ.