Ягъэпажэ

Мэлыжьыхьым и 6-р УФ-м и МВД-м и следственнэ ор­ганхэм я лэжьакIуэхэм я махуэщ. Мы гъэм илъэс 60 ­ирикъуащ а IэнатIэр къызэ­рызэрагъэпэщрэ. 

КъБР-м щыIэ МВД-м а юбилейм ирихьэлIэу иригъэ­кIуэ­кIащ «Следствиер жылагъуэм и нэхэмкIэ» сурэттеххэм я зэ­пеуэ. 
Къэрал кIуэцI IуэхухэмкIэ министру КъБР-м щыIэм и къуэ­дзэ - министерствэм и Следственнэ управленэм и уна­фэщI, юстицэм и полковник Попов Олег республикэ зэпеуэм щытекIуахэм ехъуэхъури, саугъэт лъапIэхэр яритащ.
Хабзэхъумэхэм ятеухуауэ республикэ, район газетхэм я журналистхэм, еджакIуэхэм я  сурэтхэм хэплъащ КъБР-м щы­Iэ МВД-м и Следственнэ ­уп­равленэм, ЩэнхабзэмкIэ и центрым я лэжьакIуэхэр, министерствэм епха Жылагъуэ советымрэ къэ­рал кIуэцI IуэхухэмкIэ органхэм я ветеранхэм я щIыналъэ жы­лагъуэ зэгухьэныгъэмрэ я лIыкIуэхэр зыхэта жюрир. 
НэхъыфIу къалъытащ «Кабардино-Балкарская правда» газетым и сурэттех-коррес­пондент Елъкъэн Артур, «Тэрч» газетым и корреспондент ­КIэмпIарэ Галинэ, Къэщкъэтау дэт курыт еджапIэм щIэс Бо­зиевэ Малика сымэ я сурэтхэр. 
- Фи лэжьыгъэхэм къыщывгъэлъэгъуащ следственнэ Iэ­натIэхэм я лэжьакIуэхэр цIыху­хэм къазэрыщыхъур. Афэ­-рым, Iуэхум жыджэру фызэ­ры­хэтам, следственнэ Iэна­тIэхэм я лэжьыгъэм фытепсэлъы­хьыну гупыж зэрыфщIам ­пап­щIэ. Узыншагъэ, ехъулIэныгъэрэ зэIузэпэщыгъэрэ фиIэну си гуапэщ, - жиIащ Попов Олег.