Уэм зэрыпэщIэт Iэмалхэр

27 марта, 2024 - 13:00
2020 гъэм щегъэжьауэ Къэбэрдей-Балъкъэрым къыщызэIуахащ пшэ гуэрэнхэр зэрызэкIэщIаху, уэм зэрыпэщIэт топхэр здэщыт щIыпIэу 7. НобэкIэ республикэм апхуэдэ щIыпIэу 37-рэ иIэщ. Абыхэм псоми зэхэту уэм ирищахъумэ гектар мин 481,4-рэ. 
КъэкIыгъэхэмрэ гъавэмрэ уэм щыхъумэным республикэ бюджетым къыхэкIыу трагъэкIуадэ ахъшэм илъэс къэс хагъахъуэ. Псалъэм къыдэкIуэу, 2024 гъэм а Iуэхугъуэхэм хухахынущ сом мелуан 40, ар сом мелуани 10-кIэ нэхъыбэщ блэкIа илъэсым абы трагъэкIуэдам нэхърэ. 
Ди щIыналъэм уэр куэду къыщыщехыр гъатхэ, гъэмахуэ зэманырщ. Абы къыхэкIыу, Кавказ Ищхъэрэм уэм пэщIэтынымкIэ и топгъауэ къулыкъум къызэритамкIэ, уэлбанэшхуэм къыздихь къэхъукъащIэ къызэрымыкIуэхэм зэрапэщIэтыным топхэр хуагъэхьэзыракIэщ. 
АЛЫДЖЫКЪУЭ Едыдж.
  • 21 просмотр
Поделиться: