Дунейм щыхъыбархэр

Нобэ

Илъэсым къриубыдэу махуэр щынэхъ кIэщIщ, жэщыр щынэхъ кIыхьщ
1610 гъэм яукIащ Урысейм пащтыхьыгъуэр щызыубыдыну хущIэкъуа Лжедмитрий ЕтIуанэр.
1891 гъэм США-м и Спрингфилд къалэм дунейм щыяпэу баскетболымкIэ зэхьэзэхуэ щекIуэкIащ. А джэгукIэ лIэужьыгъуэр къигупсысат физкультурэмкIэ егъэджакIуэ Нейсмит Джеймс.
1899 гъэм Санк-Петербург къыщыдэкIащ «Огонёк» журналым и япэ номерыр.
1913 гъэм «New York World» газетым (США) дунейм щыяпэу кроссворд къытехуащ.
1944 гъэм ВКП(б)-м и обкомым унафэ къищтащ Дзэлыкъуэ, Куба, Налшык, Шэджэм, Прималкэ, Урожайнэ, Лэскэн районхэм газет къыщыдэгъэкIыным теухуауэ.
1991 гъэм Къэзахъстаным и къалащхьэ Алма-Ата Азербайджаным, Армением, Белоруссием, Къэзахъстаным, Къыргъызым, Молдовэм, Урысейм, Таджикистаным, Туркменистаным, Узбекистаным, Украинэм я Iэтащхьэхэм Iэ щытрадзащ Къэрал Щхьэхуитхэм я Зэгухьэныгъэм и хабзэхэр щыубзыхуа Декларацэм.
1994 гъэм Урысей телевиденэм и Академием илъэс къэс ят «ТЭФИ» саугъэтыр игъэуващ.
МПарт, къэрал лэжьакIуэ, генералиссимус, Совет Союзым и ЛIыхъужь, Социалист Лэжьыгъэм и ЛIыхъужь, 1924 - 1953 гъэхэм СССР-м и унафэщIу щыта Сталин (Джугашвили) Иосиф къызэралъхурэ илъэси 139-рэ ирокъу.
♦Дзэзешэ цIэрыIуэ, Совет Союзым и Маршал, Совет Союзым тIэунейрэ и ЛIыхъужь Рокоссовский Константин къызэралъхурэ илъэси 122-рэ ирокъу.
♦Совет драматург, журналист, дзэ корреспондент, Сталиным и саугъэтыр зрата Вишневский Всеволод къызэралъхурэ илъэси 118-рэ ирокъу.
♦ТхакIуэ, щIэныгъэлI Елмэс Iэулдин къызэралъхурэ илъэс 86-рэ ирокъу.
♦Театрымрэ киномрэ я актрисэ цIэрыIуэ, РСФСР-м и цIыхубэ артисткэ Аросевэ Ольгэ къызэралъхурэ илъэс 93-рэ ирокъу.
♦УФ-м и Къэрал Думэм и УнафэщIым и къуэдзэ, «Урысей зэкъуэт» Урысейпсо политикэ партым и фракцэу Къэрал Думэм щыIэм и секретарь Неверов Сергей и ныбжьыр илъэс 57-рэ ирокъу.
♦Къэрал къулыкъущIэ, УФ-м финансхэмкIэ и министрым и къуэдзэу лэжьа, щIэныгъэ зэгухьэныгъэхэм я федеральнэ агентствэм и унафэщI Котюков Михаил и ныбжьыр илъэс 42-рэ ирокъу.

Дунейм и щытыкIэнур

   «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Махуэм хуабэр градус 1 - 3, жэщым щIыIэр градуси 3 - 1 щыхъунущ.

Лъэпкъ Iущыгъэ:
ШыщIэ къамылъхуам уанэ хузэщIелъхьэ.

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

14.12.2018 - 08:07 Нобэ
20.02.2019 - 08:00 Дунейм щыхъыбархэр
19.12.2018 - 08:08 Нобэ