Нобэ
♦Инджылызым щагъэлъапIэ мыIэрысэм и махуэр
♦1520 гъэм Португалием щыщ зыплъыхьакIуэ Магеллан Фернан хы Щэхумрэ Атлантикэ хымрэ я псыдэжыпIэр къихутащ. ИужькIэ абы езым и цIэр фIащыжащ.
♦1899 гъэм Владивосток къыщызэIуахащ КъуэкIыпIэ институтыр, иджыпсту ар КъуэкIыпIэ жыжьэ федеральнэ университетырщ.
♦1935 гъэм Германиер Лъэпкъхэм я Лигэм къыхэкIыжащ.
♦1945 гъэм Франджым цIыхубзхэми хэхыныгъэхэм Iэ щаIэтыну япэу хуит щащIащ.
♦1958 гъэм Инджылызым и Парламентым и лордхэм я палатэм япэу цIыхубз хахащ.
♦1994 гъэм Къэрал Думэм УФ-м и Граждан кодексыр къищтащ.
♦1994 гъэм Урысей телевиденэм и академием илъэс къэс ятыну «ТЭФИ» саугъэтыр игъэуващ.
♦1997 гъэм Солженицын Александр и цIэр зезыхьэ Литературэ саугъэтыр ягъэуващ.
♦1997 гъэм Къэзахъстаным и президенту а зэманым щыта Назарбаев НурсулътIан Iэ щIидзащ къэралым и щыхьэру Акмола къалэр къызэрыхахам теухуа унафэм. ИужькIэ абы и цIэр Астана жиIэу зэрахъуэкIащ.
♦2010 гъэм Собянин Сергей Москва къалэм и Iэтащхьэу ягъэуващ.
♦1833 гъэм къалъхуащ Швецием щыщ химик, инженер, динамитыр къэзыгупсыса, езым и цIэр зезыхьэ саугъэтыр зыгъэува Нобель Альфред.
♦1881 гъэм къалъхуащ адыгэ пшынауэ Iэзэ, къызыхэкIа лъэпкъым и макъамэ щэнхабзэ хъугъуэфIыгъуэхэр гъэбэгъуэным хэлъхьэныгъэшхуэ хуэзыщIа Хьэгъэудж Мухьэмэд.
♦1937 гъэм къалъхуащ экономикэ щIэныгъэхэм я доктор, профессор ЛъэнкIэпашэ Мусэ.
♦1942 гъэм къалъхуащ актрисэ, Урысей Федерацэм щIыхь зиIэ и артисткэ Санаевэ Еленэ.
♦1945 гъэм къалъхуащ кинорежиссёр, актёр, продюсер, РСФСР-м и цIыхубэ артист, «Хэкум и пащхьэм щиIэ фIыщIэхэм папщIэ» орденым и нагъыщэ псори зрата Михалков Никитэ.
♦1949 гъэм къалъхуащ Израилым и премьер-министр Нетаньяху Биньямин.
♦1958 гъэм къалъхуащ физик цIэрыIуэ, Нобель и саугъэтыр зыхуагъэфэща, Налшык дэт курыт школ №3-р дыщэ медалкIэ къэзыуха Гейм Андрей.
♦1963 гъэм къалъхуащ УФ-м щIыхь зиIэ и дохутыр КIуэкIуэ Аслъэн.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градуси 10 - 12, жэщым градуси 3 - 5 щыхъунущ.
Лъэпкъ Iущыгъэ:
КIапсэр кIыхьмэ - фIыщи, псалъэр кIэщIмэ - нэхъыфIыжщ.
