Ещтрэч Мурат сымаджэщым и дохутыр нэхъыщхьэщ

 Бахъсэн щIыналъэ сымаджэщым и унафэщIыр къыхэхыным теухуауэ екIуэкIа конкурсым пхыкIри, дохутыр нэхъыщхьэу ягъэуващ Ещтрэч Мурат Сулъ­тIан и къуэр.

Ещтрэч Мурат медицинэ щIэныгъэхэм я кандидатщ. Абы хирургыу лэжьэн щыщIидзащ Москва дэт, Урысей къэрал медицинэ университетым и клиникэ ординатурэм. «Хирургие», «Ультразвуковая диагностика», «Организация здравоохранения и общественное здоровье» унэтIыныгъэхэмкIэ и щIэныгъэм хигъэхъуащ.

 Москва къалэ дэт, Филатовым и цIэр зезыхьэ къалэ клиникэ сымаджэщ №15-м хирургыу, ультразвук диагностикэмкIэ дохутыру щылэжьащ 2009 - 2017 гъэхэм. 2014 гъэм щегъэжьауэ 2017 гъэ пщIондэ Пироговым и цIэр зезыхьэ Урысей къэрал медицинэ университетым госпитальнэ хирургиемкIэ и кафедрэм и ассистенту щытащ.
 Узыншагъэр хъумэн IэнатIэм пыщIа Iуэхухэм фIыуэ щыгъуазэщ, илъэситхукIэ унафэщI къулыкъу ирихьэкIащ.

Тхьэхущынэ Ланэ.

Свежие номера газет Адыгэ псалъэ


12.11.2018
08.11.2018
07.11.2018
06.11.2018