НОБЭНобэ ♦Ныкъуэдыкъуэхэм я дунейпсо махуэщ. ООН-м и Ассамблее Нэхъыщхьэм 1992 гъэм къищта унафэм ипкъ иткIэ ягъэуващ. ♦Компьютер графикэм и дунейпсо махуэщ ♦Пестицидхэр къагъэсэбэпу мыдэным и дунейпсо махуэщ ♦Урысей Федерацэм щагъэлъапIэ Юристым и махуэр ♦Зи Хэкур зыхъумэжурэ хэкIуэда Сэлэт МыцIыхум и махуэщ ♦1586 гъэм Америкэм кърашри Европэм кIэртIофыр япэу къашащ. ♦1621 гъэм Галилей Галилео узэплъыр хуэдэ 32-кIэ нэхъ ину уэзыгъэлъагъу телескоп ищIащ. ♦1865 гъэм къызэрагъэпэщащ щIыр зехьэным, мэзхэр гъэкIыным хуэгъэпса академие. Иджыпсту ар УФ-м и мызакъуэу дуней псом и еджапIэ нэхъыфIхэм хабжэ, Тимирязевым и цIэр зезыхьэ мэкъумэш академиерщ. ♦1989 гъэм США-м и президент Буш Джорджрэ КПСС-м и ЦК-м и Секретарь нэхъыщхьэ Горбачёв Михаилрэ жаIащ ахэр зи унафэщI къэралхэр афIэкIа зэрызэпэщIэмытыжыр. А махуэр тхыдэм хыхьащ «зауэ щIыIэр» щиуха махуэу. ♦1991 гъэм СССР-м Къэрал шынагъуэншагъэмкIэ и комитетыр зэбграгъэкIыжащ. ♦1992 гъэм япэ смс-хъыбарыр зэIэпахащ. Технологие коммуникацэхэм зегъэужьынымкIэ ар мыхьэнэшхуэ зиIа Iуэхуу зэрыщытар зэманым къигъэлъэгъуащ. ♦2006 гъэм УФ-м теннисымкIэ и командэ къыхэхам Дэвис и Кубокыр къихьащ. ♦1898 гъэм къалъхуащ совет конструктор, Т-34 танк цIэрыIуэр къэзыгупсыса, зэпкърызылъхьа Кошкин Михаил. ♦1911 гъэм къалъхуащ Италием щыщ композитор цIэрыIуэ Ротэ Нино. ♦1934 гъэм къалъхуащ урысей актрисэ, РСФСР-м и цIыхубэ артисткэ Дорошинэ Нинэ. ♦1933 гъэм къалъхуащ географие щIэныгъэхэм я доктор, Дамаск къэрал университетым и профессор Абдул-Сэлам Адыл. ♦1956 гъэм къалъхуащ Истамбыл щыпсэу уэрэдус, уэрэджыIакIуэ, КъБР-м щэнхабзэмкIэ щIыхь зиIэ и лэжьакIуэ Къущхьэ Догъэн. ♦1958 гъэм къалъхуащ тележурналист, Дунейпсо Арткомитетым и саугъэтыр зрата Токъмакъ Светланэ. ♦1960 гъэм къалъхуащ урысей хоккеист, Олимп джэгухэм тIэунейрэ я чемпион хъуа Ларионов Игорь. ♦1970 гъэм къалъхуащ философие щIэныгъэхэм я доктор, экономикэмрэ управленэмкIэ институту Псыхуабэ дэтым и профессор КъуэщIысокъуэ Заурбэч. Дунейм и щытыкIэнур «pogoda.yandex.ru» сайтым зэритымкIэ, Налшык уфауэ щыщытынущ. Хуабэр махуэм градуси 6 - 7, жэщым 1 градус щыхъунущ. Лъэпкъ Iущыгъэ: ЩIопщыкъурэ пэт жьы еубыд.
Поделиться:
Читать также:
25.04.2024 - 09:00 →
НОБЭ
24.04.2024 - 13:21 →
ЩIым и махуэ
24.04.2024 - 11:43 →
НОБЭ
23.04.2024 - 09:45 →
НОБЭ
22.04.2024 - 15:50 →
НОБЭ
|