Ди бэнакIуэхэр Мэзкуу щытокIуэМэзкуу къалэм щекIуэкIащ бэнэкIэ хуитымкIэ къалащхьэм и зэхьэзэхуэ. «Олимпийская деревня-80» спорт комплексым и алэрыбгъухэм саугъэт нэхъыщхьэхэм щыщIэбэнащ зи ныбжьыр илъэс 16 - 17-м ит щIалэхэмрэ хъыджэбзхэмрэ. Къэбэрдей-Балъкъэрым бэнэкIэмкIэ школым и гъэсэнхэм зэхьэзэхуэм зэфIэкI лъагэхэр къыщагъэлъэгъуащ. Ди лъэпкъэгъухэм абы къыщахьащ медаль зэмылIэужьыгъуэу 5. Зи хьэлъагъыр килограмм 45-м нэблагъэхэм я зэпэщIэтыныгъэм щригъэкIуэкIа зэIущIэ псоми щытекIуэри дыщэ медалыр зыIэригъэхьащ Азэмэт Руслан. Шыгъэлыгъуэ Къантемыр къыпэлъэщын къахэкIакъым килограмм 60-м нэблагъэ зи хьэлъагъ бэнакIуэхэм. Урысей Федерацэм и къалащхьэм и зэхьэзэхуэм пашэныгъэр щиубыдащ Емызэш Ислъам. Ар щыбэнащ килограмм 71-м нэблагъэхэм я гупым. А хьэлъагъ дыдэм дыжьын медалыр щызыIэригъэхьащ КIэрэф Дамир. Килограмм 60-м нэблагъэхэм я зэпэщIэтыныгъэ гуащIэм ещанэ щыхъури домбеякъ медалыр къихьащ Шыгъэлыгъуэ Айдэмыр.
Поделиться:
Читать также:
25.04.2024 - 17:30 →
Олимп чемпионыр ящыгъупщэркъым
25.04.2024 - 17:00 →
Кубокыр къыздашэ
23.04.2024 - 17:06 →
Гуп зэпеуэм япэ щыхъуащ
23.04.2024 - 15:26 →
Урысейм щынэхъ лъэщхэр
17.04.2024 - 12:56 →
Къапэлъэщын къахэкIакъым
|