Спорт хъыбархэр

 

Хабаровск къалэм Ощепков Василий и фэеплъу щекIуэкIащ къэрал , зыбжанэм я лIыкIуэхэр зыхэта зэхьэзэхуэ. Мыбы цIыхухъууи, цIыхубзуи спортсмени 185-рэ (Урысейм щыщу 32-рэ), Индием, Беларусым,Таджикистаным, Монголием, Сербием, Армением къикIахэр къэкIуат. Къэбэрдей-Балъкъэрым и спорт щIыхьыр зыхъумахэр 4 мэхъу. Килограмм 90 зи хьэлъагъхэм я зэхьэзэхуэм деж япэ увыпIэр къыщихьащ Урысейм и чемпион, ди лъахэгъу Щоджэн Ислъам. Абы и гъэсакIуэр Ким Русланщ. Кемеровэ областым и командэм хэта ди лъэпкъэгъу Цыкъан Руслан килограмм 66-рэ зи хьэлъагъ гупым я деж етIуанэ увыпIэр къыщихьащ.

 

 

 

 

Тэтэрстаным и къалащхьэ Къэзан урысейпсо зэхьэзэхуэ щызэхэтащ мы спорт лIэужьыгъуэмкIэ. Мыбы хэтащ ди къэралым и щIыналъэ 57-м къикIауэ спортсмен 400, я ныбжькIэ илъэс 21-м нэхъ мынэхъыжьу. Ахэр я хьэлъагъ елъытауэ гуп 16-у гуэшат. Къэбэрдей-Балъкъэрым и гупым щыщхэу и хьэлъагъ елъытакIэ зыхэтам я деж Ахъмэт Дамиррэ Яхненкэ Даниилрэ ещанэ увыпIэр къыщахьащ.

 

 

 

«Мордовие Республикэм и Кубокыр» къэхьыным и зэхьэзэхуэ Саранск щызэхэтащ. Абы щIэбэнахэр 2010 гъэм къалъхуа щIалэ цIыкIухэрщ. Ди республикэм и командэм нэмыщ1, абы хэтащ Пензэ, Къэзан, Саранск, Москва, Чебоксары, Ульяновск, Самарэ, Ногинск къикIа гупхэр. Ди ныбжьыщIэхэм зыхэта гупым япэ увыпIэр щаубыдри, Пензэм ейм пэщIэтати, бжыгъэр 30:10-уэ къытекIуащ икIи дыдейхэм ещанэ увыпIэрщ къахуэхьар. Ди щIалэ цIыкIухэр зи гъэсэнхэр Бахъсэн куеймрэ Налшыкрэ я спорт школхэрщ. Ахэр иджы Дагъыстэным щыщIэбэнынущ «Кавказ Ищхъэрэм и Кубокым».