Хъыбий Балилэ
Хэку зауэшхуэм и тхыдэм зи цIэ къыхэщыжхэм ящыщщ Тэрч щ1ыналъэм хыхьэ Инарыкъуей къуажэм къыдэк1а Хъыбий Нэгъуей и къуэ Балили. Ар 1918 гъэм дунейм къытехьащ. Къуажэ курыт еджапIэр къиуха иужькIэ колхозым щылэжьэн щIидзат. 1938 - 1940 гъэхэм Дзэ Плъыжьым хэту къулыкъу ищIащ. 1941 гъэм армэм къикIыжа иужькIэ, колхозым и комсомол зэгухьэныгъэм и секретару хахауэ Хэку зауэшхуэр къэхъейри, бжьыхьэм Балилэ зауэм дашащ. Дзэ хуэIухуэщIэм щыгъуазэ щIалэр занщIэу тIасхъэщIэххэм хагъэхьащ. КъухьэпIэ фронтращ Хъыбийр зыIутар. Абы жэуаплыныгъэ ин пылъу игъэзащIэрт и унафэщIхэм пщэрылъ къыхуащI Iуэхушхуэхэр. Зи унафэщI гупым мызэ-мытIэу «бзэгухэр» къаубыдыурэ ягъэпсэлъащ, бийм 1ыгъIэхэлъахэр щIапщытыкIырт. Абыхэм къыщIаIукIа хъыбархэр куэдрэ дзэм къахуэщхьэпащ. 1942 гъэм и гъатхэу, Хъыбий Балилэ и гупым пщэрылъ къыщащIа Iуэхур игъэзэщIарэ «бзэгуи» къаубыдауэ къыздэкIуэжым, Балилэ лагъымым теувэри, къэуащ. ТIасхъэщIэх Iэзэм Москва, Саратов, Ташкент дэт сымаджэщхэм куэд дыдэрэ къыщеIэзащ, зи лъакъуитIри зыфIэкIуэда Балилэ иужьк1э унэм къагъэкIуэжащ. Зауэм щызэрихьа лIыгъэм папщIэ абы къыхуагъэфэщащ Хэку зауэ орденым и етIуанэ нагъыщэр, «Москва зэрихъумам папщIэ», «Заполярьер зэрихъумам папщIэ», «Германием зэрытекIуам папщIэ» медалхэр. Зауэ IэнатIэм къыIукIыжа иужькIи Балилэ Iуэхуншэу щысакъым. Абы зэрыхузэфIэкIкIэ защIигъакъуэу щылэжьащ къуажэ колхозым. Зауэм, лэжьыгъэм я ветеран Хъыбий Балилэ 1984 гъэм дунейм ехыжащ.
Поделиться:
Читать также:
22.04.2024 - 16:16 →
Зы мащэм цIыху 233-рэ
22.04.2024 - 14:55 →
АдыгэлIым и цIэмрэ и картэмрэ
19.04.2024 - 16:34 →
Нартхэм я ныбжьыр
17.04.2024 - 12:43 →
Шуудзэ хъыжьэм и тхыдэ напэкIуэцI
16.04.2024 - 17:52 →
Де Марикур Леон
|