Фи насып текIуэну!

КъБР-м и Iэтащхьэр  курыт школыр къэ­зыуххэм гуапэу ехъуэхъуащ.

«Сигуми си псэми къабгъэдэкIыу курыт школыр къэ­зыух­хэм сохъуэхъу я гъащIэм мы­хьэнэшхуэ щызиIэ а къэ­хъу­къа­щIэмкIэ. Фэ зэпыфчащ япэу уэзджынэр къыщыфхуеуам къы­щIыщIэдзауэ аттестатыр къыватыжыным нэс къызэщIэзыубыдэ гъуэгуанэ кIыхь, Iуэхугъуэ хьэ­лэмэтхэмрэ купщIафIэхэмкIэ гъэн­щIауэ.
Пэжщ, еджэныр щы­нэв­гъэс лъэхъэнэр ефхьэкIащ гугъуехь зэмылIэужьыгъуэхэр пы­щIауэ, коронавирус уз зэры­цIалэ лIэужы­гъуэщIэр дунейм къызэрыщыхъеям къы­хэкIыу. Апхуэдэ лъэпощхьэпом щхьэкIэ къэмынэу, фэ еджэныр ехъу­лIэныгъэкIэ зэфIэвгъэкIащ.
Дауи, школ илъэсхэм и кIуэцI-кIэ фэ сыт ­щыгъуи къыфщIы­гъуащ фи егъэджакIуэхэр, унэ­тIакIуэхэр. Абыхэм яхуэфщI пщIэмрэ нэмысымрэ фи гъащIэ псокIэ фи гум зэрилъынум шэч къытесхьэркъым, сыту жыпIэмэ ахэращ щIэныгъэм и лъагъуэм фытезы­гъэувар, дяпэкIэ зыIэрывгъэхьэну ехъулIэ­ныгъэхэми фыхуэзыущияр.
 Иджы фэ фытохьэ фи гъащIэм щыщ гъуэгуанэщIэ. Дэтхэнэми фиIэжщ мурадхэмрэ ­хъуэпсапIэхэмрэ. Фэ зи щIалэгъуэхэм фи зыужьыныгъэм хуэгъэпса Iэмал куэдыщэ щыщыIэщ нобэ ди къэралым. Абыхэм ящыщу сыт хуэдэ унэтIыныгъэр къыхэвмыхми, ар щIэныгъэм пыщэн е лэжьыгъэ IэнатIэм пэ­рыувэн ирехъу, нэхъыщхьэр фи мурадхэм ­фалъэIэсу, цIыхухэм сэбэп фахуэхъуу, Къэбэрдей-Балъкъэрым, фIыуэ тлъагъу ди къэралым я ехъулIэныгъэхэм фахуэлажьэу фыпсэунырщ.
Фи насып текIуэну, зи щIалэгъуэхэ. Ехъу­лIэныгъэ, зэпэщыныгъэ фиIэну», - къыхегъэщ КIуэкIуэ Казбек и хъуэхъу псалъэм.