Нобэ

Акъылым зезыгъэужь джэгукIэхэм я дунейпсо махуэщ
Къэзахъстаным шынагъуэншагъэмкIэ и органхэм я лэжьакIуэхэм я махуэщ
Черногорием и къэралыгъуэм и махуэщ. 1878 гъэм бадзэуэгъуэм и I3-м Черногориер къэралыгъуэ щхьэхуиту зэрыщытыр Берлин конгрессым къилъытащ. I94I гъэм бадзэуэгъуэм и I3-м Черногорием къыщызэрыIэтащ фашизмэм, нацизмэм я бий цIыхубэр. А Iуэхугъуэхэрщ лъабжьэ хуэхъуар нобэ къэралым щагъэлъапIэ махуэшхуэм.
1697 гъэм Камчаткэ щIыналъэр Урысей къэралыгъуэм къыхыхьащ.
1728 гъэм урыс хыдзэлI Беринг Витус зекIуэ ежьащ. Камчаткэм и Iуфэм щыщIидзэри, абы ищхъэрэкIэ иунэтIащ. Америкэмрэ Азиемрэ яку псы дэжыпIэ зэриIэр Витус къыщихутар а экспедицэрщ. Нэхъ иужьыIуэкIэ абы Беринг и цIэр фIащауэ щытащ. 
1830 гъэм Урысейм и император Николай Езанэм Iэ щIидзащ «IэщIагъэ щрагъэгъуэт еджапIэм теухуауэ» унафэм. Абы щыубзыхуар еджапIэ нэхъыщхьэ - иджыпсту Бауман Николай и цIэр зэрихьэу Москва дэт къэрал техническэ университетыр – къызэIухыным пыщIа Iуэхухэрт.
1837 гъэм къэрал унафэр зыIэщIэлъ инджылыз унагъуэм щыщу Викторие пащтыхь гуащэр япэу Iэпхъуащ Букингем уардэунэм
1882 гъэм Москварэ Петербургрэ япэ телефон станцхэм лэжьэн щыщIадзащ. 
1908 гъэм Лондон IV гъэмахуэ Олимп джэгухэр къыщызэIуахащ. Абы япэ дыдэу цIыхубзхэри щызэпеуауэ щытащ.
1923 гъэм Лос-Анджелес пэмыжыжьэ Маунт-Ли бгы нэкIум «Голливуд» псалъэ цIэрыIуэр тратхащ.
1930 гъэм Монтевидео (Уругвай) къыщызэIуахащ футболымкIэ япэ дунейпсо чемпионатыр. Къэрал I3-м я командэ къыхэхахэр хэтащ абы. Уругвайр абы чемпион щыхъуат.
1944 гъэм советыдзэхэм Вильнюс къалэр нэмыцэ-фашист зэрыпхъуакIуэхэм къыIэщIагъэкIыжащ.
1955 гъэм СССР-м къыщыдэкIащ «Иностранная литература» журналым и япэ номерыр. Хэку зауэшхуэм ипэкIэ абы зэреджэу щытар «Интернациональная литература» жиIэущ.
1990 гъэм къызэрагъэпэщащ Урысей Федерацэм и Банк нэхъыщхьэр.
1923 гъэм къалъхуащ театрымрэ киномрэ я актёр цIэрыIуэ Пуговкин Михаил.
1925 гъэм къалъхуащ урысей актёр цIэрыIуэ, УФ-м и цIыхубэ артист Новиков Борис.
1928 гъэм къалъхуащ Хэку зауэшхуэм хахуэу хэта совет тхакIуэ цIэрыIуэ, РСФСР-м Горькэм и цIэр зэрихьэу щыIа Къэрал саугъэтыр зрата Пикуль Валентин.
1934 гъэм къалъхуащ совет кхъухьлъатэзехуэ-космонавт, Совет Союзым тIэунейрэ и ЛIыхъужь Елисеев Алексей.
1937 гъэм къалъхуащ адыгэ усакIуэ, тхакIуэ, журналист, «Адыгэ псалъэ» газетым жэуап зыхь и секретарым и къуэдзэу илъэс куэдкIэ лэжьа Брай Адэлбий.
1972 гъэм къалъхуащ сурэтыщI-график, Къэбэрдей-Балъкъэрым и цIыхубэ художник Пащт-Хъан Алим.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 24 – 25-рэ, жэщым градус 18 – 19 щыхъунущ.

Лъэпкъ Iущыгъэ:
Хьэху яхь щыIэщи, хьэху хьыж щыIэкъым.