КIыщокъуэр ягъэлъапIэ

КъБР-м и цIыхубэ усакIуэ, УФ-м и Къэрал саугъэтым и лауреат, Социалист Лэжьыгъэм и ЛIыхъужь КIыщокъуэ Алим къызэралъхурэ илъэси 108-рэ зэрырикъур щагъэлъэпIащ тхакIуэшхуэм и фэеплъыр здэщыт Налшык къалэ администрацэм и IуэхущIапIэм деж. 

Зэхуэсым хэтащ КъБР-м щэнхабзэмкIэ и министр Къумахуэ Мухьэдин, КъБР-м и ТхакIуэхэм я зэгухьэныгъэм и тхьэмадэ Тхьэгъэзит Юрэ, Шэджэм щIыналъэ администрацэм и Iэтащхьэ Борсэ Юрэ, Шэджэм щIыналъэм и щIыпIэ самоуправленэм и Советым и тхьэмадэ Уэдыжь Хьэсанш, Налшык къалэ администрацэм и лэ­жьакIуэхэр, усакIуэм и къуажэгъу­хэр, тхакIуэхэр, усакIуэхэр, журналистхэр.
ШколакIуэхэр къеджащ КIыщокъуэ  Алим и усэхэм щыщ. Къызэхуэсахэм тхакIуэш­хуэм и фэеплъым деж удз гъэ­гъахэр щагъэтIылъа нэужь, Щхьэ­лыкъуэ къуажэм щыIащ. Абыхэм КIыщокъуэм и кхъащхьэм удз гъэгъахэр тралъхьащ, кIэщIуи тепсэ­лъыхьащ тха­кIуэм къызэринэкIа тхыгъэхэм я мыхьэнэм, дызэрыгушхуэ цIы­хум и цIэр мыкIуэдыжын щIыным ехьэ­лIауэ лэжьыпхъэхэм.

Сурэтыр Къарей Элинэ трихащ.